Bota

BE sanksionon grupin 'Wagner' dhe kompaninë e saj mediatike 'Ria Fan'

Sipas vendimit të Këshillit të BE-së, këto organizata paraqesin kërcënim për integritetin territorial, sovranitetin dhe pavarësinë e Ukrainës.

13 Prill 2023, 21:28 Nga a.l
BE sanksionon grupin 'Wagner' dhe kompaninë e saj mediatike
Sanksione ndaj Rusisë

RUSI-  Bashkimi Evropian ka vendosur sanksione kundër organizatës terroriste Wagner Group dhe “agjencisë mediatike” RIA FAN, e cila është e lidhur me të. Raporti përkatës është publikuar në faqen e BE-së. Sipas vendimit të Këshillit të BE-së, këto organizata paraqesin kërcënim për integritetin territorial, sovranitetin dhe pavarësinë e Ukrainës.

Në lidhje me Grupin Wagner, faqja e internetit e BE-së thotë se është një ent ushtarak privat i pa inkorporuar me bazë në Rusi, i cili u krijua në 2014 si një organizatë pasardhëse e Korpusit Sllav. Ajo drejtohet nga Dimitriy Utkin dhe financohet nga Yevgeniy Prigozhin. Nëpërmjet krijimit të njësive vendore dhe me mbështetjen e qeverive vendore, Grupi Wagner financon dhe kryen operacionet e tij. Grupi Wagner udhëhoqi sulmet kundër qyteteve ukrainase Soledar dhe Bakhmut në janar 2023 dhe po merr pjesë aktive në luftën e agresionit rus kundër Ukrainës.

Prandaj, Grupi Wagner është përgjegjës për mbështetjen materiale të veprimeve që minojnë dhe kërcënojnë integritetin territorial, sovranitetin dhe pavarësinë e Ukrainës, përfundon Këshilli i BE-së, shkruajnë mediat e huaja. 

Në lidhje me RIA FAN, raporti thotë se është pjesë e Patriot Media Group, një organizatë mediatike ruse, Bordi i Administrimit të së cilës drejtohet nga Yevgeniy Prigozhin.

sanksione ndaj rusise

Sondazh

Poll

MË SHUMË