Sport

Nuk shpëtoi edhe pse kërkoi falje, Bayern Munich pezullon Sadio Mane!...

Pas skandalit të konfliktit midis Sadio Mané dhe Leroy Sané, drejtuesit e Bayernit tani kanë marrë masat e tyre

13 Prill 2023, 15:58 Nga DOSJA

Nuk shpëtoi edhe pse kërkoi falje, Bayern Munich pezullon Sadio

GJERMANI - Ishte skandali i madh i çerekfinaleve të Cgampions League, pasi Bayern humbi 3-0 nga Manchester City. Në përfundim të ndeshjes, në dhomat e zhveshjes Sadio Mané thuhet se ka goditur në fytyrë shokun e tij të skuadrës Leroy Sane.

Tani drejtuesit e klubit bavarez të Bayernit, pasi kanë analizuar ngjarjen, kanë marrë masat. Siç shkruan “Bild” pasditen e së enjtes, senegalezit u pezullua përkohësisht.  Ndërkohë, klubi ka publikuar një mesazh, ku thuhet se Mané "nuk do të jetë në skuadrën e FC Bayern për ndeshjen në shtëpi kundër 1899 Hoffenheim të shtunën e ardhshme". Lojtari gjithashtu do të duhet të paguajë një gjobë.

Të enjten në mëngjes, dy lojtarët që u konfliktuan midis tyre ishin ende në stërvitje, sipas “tz” të Mynihut, dhe çdo gjë dukej e qetë. Përveç kësaj, para stërvitjes, ka pasur bisedime mes drejtuesve të klubit, lojtarëve të përfshirë në konflikt, si dhe menaxherëve të Mane.

Nuk shpëtoi edhe pse kërkoi falje, Bayern Munich pezullon Sadio

Madje gjatë orëve të fundit në Gjermani është përfolur edhe për mundësinë që Bayerni t'i ndërpresë kontratën Mané, i cili u bashkua verën e kaluar nga Liverpool në këmbim të 32 milionë eurove. Në parim, për të lehtësuar largimin e Robert Lewandowski në FC Barcelona.

B.T (Dosja.al)

Sondazh

Poll

MË SHUMË