Aktualitet

Po shiste fara kanabisi në pazar, arrestohet në flagrancë 49-vjeçari në Shkodër

Shtetasi me iniciale A.B dyshohet se do ti shiste farat e kanabisit me qëllim kultivimin e tyre në terren.

12 Prill 2023, 13:08 Nga f.i
Po shiste fara kanabisi në pazar, arrestohet në flagrancë
Farat e sekuestruara nga policia

SHKODËR- Një 49-vjeçar është arrestuar nga policia e Shkodrës pasi u kap në flagrancë me 300 fara kanabisi, gati për ti shitur. Shtetasi me iniciale A.B dyshohet se do ti shiste farat e kanabisit me qëllim kultivimin e tyre në terren.

Njoftimi i policisë

Vijojnë kontrollet për parandalimin e tentativave për kultivim të bimëve narkotike. Evidentohet dhe goditet një rast i shitjes së farave të kanabisit, me qëllim kultivimin e tyre.

Arrestohet në flagrancë një 49-vjeçar, në tentativë për të shitur një sasi farash kanabisi. Sekuestrohet një qese plastmasi, me rreth 300 fara kanabisi.

Shërbimet e Komisariatit të Policisë Shkodër, në vazhdën e operacioneve të njëpasnjëshme, me fokus parandalimin dhe goditjen që në fazë fillestare, të tentativave për kultivim të bimëve narkotike, me mbështetjen e inteligjencës informative, në kuadër të operacionit policor të koduar “Masat Parandaluese”, kanë arrestuar në flagrancë shtetasin A. B., 49 vjeç, banues në Shkodër.

Gjatë kontrollit fizik ndaj 49-vjeçarit, shërbimet e Policisë gjetën dhe sekuestruan në cilësinë e provës materiale, një qese plastmasi brenda së cilës kishte rreth 300 fara të dyshuara kanabisi. Këto fara dyshohet se do të shiteshin nga shtetasi A. B., me qëllim kultivimin e tyre në terren.

Vijon puna hetimore, në bashkëpunim me Prokurorinë, për zbardhjen e plotë të këtij rasti. Kontrollet në terren, me qëllim parandalimin dhe goditjen e tentativave për kultivimin të bimëve narkotike dhe për trafikimin e lëndëve narkotike, vijojnë.

Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.  

arrestohet 49-vjeçari ne shkoder

Sondazh

Poll

MË SHUMË