Sport

Chelsea/ Shtohet edhe një emër i ri, në listën e kandidatëve për postin e trajnerit...

Ndërsa Frank Lampard ka marrë drejtimin deri në fund të sezonit, Chelsea vazhdon të shumëfishojë përpjekjet për trajnerin e tyre të ardhshëm!

7 Prill 2023, 16:46 Nga DOSJA
Chelsea/ Shtohet edhe një emër i ri, në listën e

ANGLI - Julian Nagelsmann, Luis Enrique, José Mourinho, Antonio Conte... Një gjë është e sigurt, Chelsea nuk ka mungesë të ideve dhe kandidatëve për të pasuar Frank Lampard, i cili do të marrë drejtimin pasi Graham Potter u shkarkua të dielën e kaluar. 

Objektivi i teknikut anglez nuk mund të ishte më i qartë: fitimi i Champions League, në mënyrë që klubi londinez ta riemërojë edhe për sezonin e ardhshëm. Kjo do të kërkojë mposhtjen e Real Madridit, kampion në fuqi dhe që ka dëshmuar edhe një herë kundër Barçës aftësinë e tij për të tejkaluar veten gjatë përballjeve të dyfishta. 

Përveç këtij fundi të sezonit, i cili mund të luhet gjatë dy javëve të ardhshme me këtë çerekfinale vajtje-ardhje, Todd Boehly padyshim po i shumëfishon rrugët për të realizuar këtë projekt ‘XXL’ të cilin e ka nisur që nga vera e kaluar. Dhe pas emrave të përmendur më lart, së fundmi do të ishte shfaqur një i ri!

Gallardo në pamjet e Chelseat!

Sipas informacioneve të TyC Sports, është Marcelo Gallardo ai që do t'i ishte shtuar kësaj liste të gjatë kandidatësh. Madje, media argjentinase zbulon se Chelsea do t'i kishte ofruar menjëherë vendin e punës, por ky i fundit nuk pranoi, duke preferuar të presë qershorin për të nisur një aventurë të re në stol. 

Gjashtë muaj pas largimit nga River Plate, argjentinasi ka avantazhin e të qenit i lire, ku blutë duhet të negociojnë me Bayern Munich për të ofruar Julian Nagelsmann, gjermanin që ende është nën kontratë me bavarezët.

B.T (Dosja.al)

Sondazh

Poll

MË SHUMË