Sport

Paris SG në kërkim të një trajneri, "divorci" me Gaultier në fund të sezonit i sigurtë...

Eliminimi nga “16” i Champions League dhe humbjet e fundit në ligë vulosën vendimin e Paris Saint-Germain për t’u ndarë me Christophe Gaultier dhe sipas “RMC”, ai tashmë është në kërkim të pasuesit të tij.

5 Prill 2023, 13:56 Nga DOSJA
Paris SG në kërkim të një trajneri, "divorci" me

FRANCE - Epoka e Christophe Gaultier u shoqërua me një atmosferë optimizmi dhe një ndryshim ritmi në Paris Saint-Germain, kombinuar me punësimin e Luis Campos, si drejtor teknik. 

Megjithatë, ende pa përfunduar sezoni i tij i parë në Paris, trajneri francez thuhet se është në derën e daljes dhe për momentin duket e pamundur që ai të vazhdojë në pankinën e kampionëve francezë edhe në sezonin e ardhshëm.

Siç raporton “RMC Sport”, drejtuesit e Parisit tashmë kanë nisur procesin e gjetjes së një zëvendësuesi që do të marrë frenat nga vera, pasi kanë marrë vendimin që të vazhdojnë pa ish-trajnerin e Lille, pas eliminimit nga Bayern në “16”-të e Champions League dhe dy humbjet e fundit në kampionat, në të cilat parizienët nuk shënuan as edhe një herë.

Në fakt, pozicioni i tij konsiderohet i pasigurt edhe për pjesën tjetër të sezonit aktual, nëse Parisi nuk i fiton dy ndeshjet e ardhshme, jashtë fushe te Nice dhe në shtëpi me Lens.

Tani, pyetja është se kush do ta pasojë Gaultierin në stol. Nga ana e klubit, emri i Julian Nagelsmann është shumë lart në listë pas shkarkimit të tij nga Bayerni, ndërsa më i përshtatshmi nga drejtorët e klubit për këtë pozicion ka qenë dhe mbetet vazhdimisht Zinedine Zidane.

B.T (Dosja.al)

Sondazh

Poll

MË SHUMË