Sport

Qeveria angleze e shqetësuar për Al Thanin, blerësin e mundshëm të Manchester United

Sipas “Bloomberg”, zyrtarë të qeverisë angleze tani po shprehin hapur shqetësimet e tyre për Hamad Al Thani, i cili dëshiron të blejë Manchester United.

4 Prill 2023, 22:32 Nga DOSJA
Qeveria angleze e shqetësuar për Al Thanin, blerësin e

ANGLI - “Bloomberg” ka zbuluar se Sheikh Yassim bin Hamad Al Thani duket se ka një rival tjetër në “betejën” që po bën për të blerë Manchester United. Por ky nuk është një tjetër blerës potencial, siç është Jim Ratcliffe, por vetë qeveria angleze.

Siç sqaron mediumi, ka zëra brenda qeverisë, që japin alarmin për biznesmenin nga Katari për shkak të një gjobe prej 1.6 milionë eurosh të vendosur në vitin 2016 nga Banka e Anglisë ndaj degës britanike të Bankës Islamike të Katarit, në të cilën ai ishte president që nga viti 2006.

Nuk duket se qeveria do të ndërhyjë për të bllokuar marrëveshjen, por është e mundur që të ushtrohet presion mbi ministrat përgjegjës për çështjen, të cilët nga ana e tyre do të detyrojnë Premier League të bëjë pyetjet e veta në lidhje me incidentin gjatë hetimit të plotë që do të bëjë.

Qeveria po kërkon një ekuilibër midis dëshirës së saj për ta bërë Britaninë e Madhe një destinacion tërheqës për investime të huaja dhe, nga ana tjetër, nevojës për të mbrojtur futbollin nga pronarët që mund të rrezikojnë një ekip.

Sheikh Yassim bin Hamad Al  Thani drejton një konsorcium që disa besojnë se do të bëjë ofertën më të lartë për Manchester United, i cili ka të ngjarë të jetë më shumë se 5.7 miliardë euro.

B.T (Dosja.al)

Sondazh

Poll

MË SHUMË