Aktualitet

Sherr mes 3 policëve në gjendje të dehur, pezullohen nga detyra! Kundërshtuan forcat ‘Shqiponja’ gjatë shoqërimit

Ngjarja ka ndodhur në rrugën Bardhyl, në Tiranë, rreth orës 23:55, pasi janë shoqëruar nga Policia dhe Agjencia e Mbikqyrjes Policore.

26 Mars 2023, 12:20 Nga I.A
Sherr mes 3 policëve në gjendje të dehur, pezullohen nga detyra!
Policia

TIRANË- Tre efektivë të Policisë së Tiranës janë pezulluar nga detyra nga drejtori i Policisë, Tonin Vocaj. Tre efektivët janë konfliktuar me njëri-tjetrin në mesnatë në Tiranë. Bëhet fjalë për efektivët Hamit Sallaku, Mariglen Sallaku dhe Denis Sallaku, anëtarë të një familjeje, kanë qenë në gjendje të dehur dhe kanë debatuar me njëri-tjetrin. Ngjarja ka ndodhur në rrugën Bardhyl, në Tiranë, rreth orës 23:55, pasi janë shoqëruar nga Policia dhe Agjencia e Mbikqyrjes Policore. Por teksa po shoqëroheshin kanë kundërshtuar forcat ‘Shqiponja’, duke i shtuar edhe një akuzë vetes, për kundërshtim të forcave të rendit. Hamit Sallaku ishte me detyrë ndihmësspecialist për Policimin në Komunitet në Komisariatin Nr. 1. Mariglen Sallaku ishte me detyrë ndihmësspecialist për Hetimin e Krimeve në Komisariatin Nr. 2. Ndërsa, Denis Sallaku ishte me detyrë ndihmësspecialist për Policimin në Komunitet në Komisariatin Nr. 3.

Njoftimi i Policisë:

Tiranë Drejtori i Drejtorisë Vendore të Policisë Tiranë, Drejtues i Parë Tonin Vocaj, ka pezulluar nga detyra punonjësit e Policisë:

- Inspektor H. S., me detyrë ndihmësspecialist për Policimin në Komunitet në Komisariatin Nr. 1;

- Inspektor M. S., me detyrë ndihmësspecialist për Hetimin e Krimeve në Komisariatin Nr. 2;

- D. S., me detyrë ndihmësspecialist për Policimin në Komunitet në Komisariatin Nr. 3.

Gjithashtu, Drejtoria e Standardeve Profesionale në Policinë e Shtetit, ka nisur hetimin disiplinor, si dhe është njoftuar dhe AMP pasi:

Më datë 25.03.2023, rreth orës 23:55, në Rrugën Bardhyl, shërbimet e Forcës së Posaçme Shqiponja, kanë konstatuar tre shtetasit e mësipërm në gjendje të dehur, duke debatuar me njëri-tjetrin si dhe gjatë shoqërimit kanë kundërshtuar punonjësit e Policisë

sherr mes policeve ne tirane

Sondazh

Poll

MË SHUMË