Bota

Vizita e parë pas 26 vitesh, ministrja gjermane mbërrin në Tajvan

Stark-Watzinger është ministrja e parë gjermane që viziton vendin ishullor prej 24 milionë banorësh në 26 vjet. Guenter Rexrodt, në atë kohë Ministri i Ekonomisë i Gjermanisë, vizitoi Tajvanin në 1997.

21 Mars 2023, 15:43 Nga a.l
Vizita e parë pas 26 vitesh, ministrja gjermane mbërrin në Tajvan
Bettina Stark-Watzinger

GJERMANI- Gjermania dhe Tajvani nënshkruan një marrëveshje bashkëpunimi shkencor dhe teknologjik në sektorin e arsimit. Ministrja gjermane për Arsimin dhe Kërkimin Bettina Stark-Watzinger ishte dëshmitare e ceremonisë së nënshkrimit në Taipei, kryeqyteti i Tajvanit. Stark-Watzinger është ministrja e parë gjermane që viziton vendin ishullor prej 24 milionë banorësh në 26 vjet. Guenter Rexrodt, në atë kohë Ministri i Ekonomisë i Gjermanisë, vizitoi Tajvanin në 1997.

"Tajvani është një partner bashkëpunues shumë i vlerësuar i Gjermanisë," tha Stark-Watzinger ndërsa ministria e saj nënshkroi marrëveshjen me Këshillin Kombëtar të Shkencës dhe Teknologjisë të Tajvanit (NSTC).

Stark-Watzinger tha se Gjermania dhe Tajvani vlerësojnë demokracinë, transparencën, çiltërsinë dhe lirinë.  Ajo shpresoi se marrëveshja e sapo nënshkruar e bashkëpunimit do t'i ndihmonte të dyja palët të hapin rrugën për një bashkëpunim edhe më të gjerë në të ardhmen, shkruajnë mediat e huaja. 

Ministri NSTC i Tajvanit Tsung-tsong Wu tha se shkëmbimet zyrtare kanë ndihmuar në zgjidhjen e disa prej çështjeve më të vështira në botë, që përfshin partneritetin e fundit me komunitetin ndërkombëtar për të luftuar pandeminë COVID-19 një herë në një gjeneratë.

Të dy palët do të rrisin bashkëpunimin e tyre në fusha të tilla si aplikimet e inteligjencës artificiale, gjysmëpërçuesit, dizajni i qarkut të integruar ose IC, automobili, energjia e hidrogjenit dhe arsimi, veçanërisht mësimi i kinezishtes. Ministrja gjermane tha se Tajvani është një lokacion i teknologjisë së lartë dhe partner i vlerësuar. 

bettina stark-watzinger

Sondazh

Poll

MË SHUMË