Aktualitet

I shpallur në kërkim për plagosje dhe kanosje me armë, arrestohet 36-vjeçari shqiptar në Itali

Nga një marrje në pyetje rezultoi se i dyshuari ishte në kërkim për qëllime ekstradimi për llogari të autoritetit gjyqësor të huaj.

21 Mars 2023, 09:13 Nga I.A
I shpallur në kërkim për plagosje dhe kanosje me armë,
Policia

ITALI- Një shqiptar është arrestuar orët e para të të hënës në Itali. centropagina shkruan se policia italiane, gjatë shërbimit të kontrollit territorial, në viale della Vittoria kanë kontrolluar të dhënat personale të një 36-vjeçari. Nga një marrje në pyetje rezultoi se i dyshuari ishte në kërkim për qëllime ekstradimi për llogari të autoritetit gjyqësor të huaj.

Shqiptari është shoqëruar në ambientet e Komisariatit të Policisë për hetime të mëtejshme të rastit. Kërkimi ndërkombëtar përfshinte një urdhër-arresti të lëshuar në vitin 2015 nga Autoriteti Gjyqësor Shqiptar, për plagosje të rënda pas një përleshje me armë.

Pas një dënimi të dhënë me 2 vjet, shqiptari duhet të vuajë një dënim të mbetur prej një viti, shtatë muaj e katër ditë burg. Në përfundim të hetimeve, efektivët arrestuan shtetasin shqiptar dhe e transferuan ne burg më Ankona.

arrestohet shqiptari ne itali

Sondazh

Poll

MË SHUMË