Sport

INCIDENTI! Interi kërkon një hetim nga UEFA, për bllokimin e tifozëve zikaltër në Porto...

Interi të mërkurën i kërkoi UEFA-s për një hetim, një ditë pasi tifozët e tij u bllokuan, pavarësisht se kishin bileta, gjatë udhëtimit ndaj Porto (0-0) në fazën eliminatore të Champions League.

15 Mars 2023, 23:48 Nga DOSJA
INCIDENTI! Interi kërkon një hetim nga UEFA, për bllokimin e

ITALI - Interi mund ta shijojë kualifikimin për në çerekfinale të Champions League të martën në mbrëmje, pas barazimit ndaj Portos (0-0). Por disa mbështetës të zikaltërve do të mbajnë një shije të hidhur të këtij udhëtimi në Portugali. 

Ata ishin një mijë, të cilët u bllokuan para ‘Estadio do Dragao’, pavarësisht se kishin bileta të vlefshme, me arsyetimin se këto të fundit ishin blerë për tribunat e destinuara për tifozët vendas dhe jo për vizitorët.

“Interi i bën thirrje UEFA-s që të ndërhyjë në mënyrë që të hidhet dritë mbi atë që ndodhi dhe që situata të tilla, në kundërshtim me parimet kryesore të sportit, barazisë dhe përfshirjes, të mos ndodhin më kurrë”,- thuhet në deklaratën e klubit italian.

Spektatorët mbetën të ngecur në një tunel të ngushtë, derisa portat u mbyllën në fund të pjesës së parë, duke mos mundur të ndiqnin ndeshjen.

B.T (Dosja.al)

Sondazh

Poll

MË SHUMË