Bota

Ndërron jetë Masatoshi Ito; “perandori” japonez i mini marketeve – kishte 83,000 në mbarë botën

Investimi i Itos në tregti filloi në vitin 1956, me një biznes të vogël të dyqaneve të veshjeve në Tokio të drejtuar nga gjysmë vëllai i tij.

13 Mars 2023, 23:02 Nga k.m.
Ndërron jetë Masatoshi Ito; “perandori” japonez i mini
Masatoshi Ito

JAPONI- Në moshën 98-vjeçare, ka ndërruar jetë miliarderi japonez Masatoshi Ito, i cili “ndërtoi” pasurinë e tij duke e kthyer kompaninë minimarket 7-Eleven në një gjigant aktiv në Azi dhe Amerikë. Marka aktualisht ka mbi 83,000 dyqane në mbarë botën, nga të cilat rreth një e katërta janë brenda në Japoni.

Investimi i Itos në tregti filloi në vitin 1956, me një biznes të vogël të dyqaneve të veshjeve në Tokio të drejtuar nga gjysmë vëllai i tij.

Fillimisht Ito e quajti biznesin e tij, Ito-Yokado dhe e ktheu atë në një zinxhir dyqanesh të vogla ushqimore dhe madje edhe veshjesh. Në një udhëtim në SHBA, një ekzekutiv i Ito-Yokado u njoh me dyqanet 7-Eleven, të cilat ishin në pronësi të Korporatës Southland. Të dy kompanitë ranë dakord të punonin së bashku dhe së shpejti, në 1974, u hap 7-Eleven i parë në Japoni.

Disa vjet më vonë, në mars 1990, Ito-Yokado fitoi shumicën e aksioneve në Southland Corporation.

Ito dha dorëheqjen në 1992 (duke mbetur kryetar nderi) me akuzën se kishte paguar mafien japoneze, Yakuza, për të ruajtur rendin e tij në një mbledhje të aksionarëve. Ai ia atribuoi suksesin e tij një kombinimi të punës së palodhur dhe fatit.

masatoshi ito japoni

Sondazh

Poll

MË SHUMË