Bota

Messina Denaro nuk del në gjyq, s'ka avokat që e mbron, ia cakton një shteti

Gjykata e kryesuar nga kryetarja e gjykatës së apelit, Maria Grazia Vagliasindi, bëri të ditur se pas heqjes dorë të avokates së parë, Messina Denaro nuk ka caktuar një tjetër.

9 Mars 2023, 12:55 Nga k.m.
Messina Denaro nuk del në gjyq, s'ka avokat që e mbron, ia cakton
Matteo Messina Denaro

ITALI- Bosi mafioz Matteo Messina Denaro ka hequr dorë mëngjesin e sotëm për t'u paraqitur në gjyqin ku akuzohet si nxitës i masakrave të Capaci dhe via D'Amelio. Gjykata e kryesuar nga kryetarja e gjykatës së apelit, Maria Grazia Vagliasindi, bëri të ditur se pas heqjes dorë të avokates së parë, Messina Denaro nuk ka caktuar një tjetër. Sipas ANSA, prandaj, Calogero Montante u caktua si mbrojtës publik për kreun mafioz.

Si u arrestua bosi i 'Cosa-Nostras'? 

Anti-Mafia Italiane arrestoi pas 30 vitesh në kërkim bosin e mafias famëkeqe Cosa Nostra, Messina Denaro. Ai u arrestua në një klinikë private në Palermo. Ai ishte duke marrë trajtim rreth orës 09:00, kur karabinierët zbarkuan dhe mbi 100 policë u përfshinë në arrestimin e tij. Messina Denaro është dënuar dhe gjykuar në mungesë për një sërë vrasjesh, përfshirë edhe ekzekutimin e dy prokurorëve të antimafias, Giovanni Falcone dhe Paolo Borsellino në vitin 1992.

Skeda e tij kriminale vazhdon me të tjera ngjarje të rënda si sulmet me bomba vdekjeprurëse të vitit 1993 në Milano, Firence dhe Romë, dhe rrëmbimin, torturimin dhe vrasjen e djalit 11-vjeçar të një mafiozi që ishte kthyer në të penduarin e drejtësisë. Denaro  mbikëqyri gjithashtu shantazhin, hedhjen e paligjshme të mbeturinave, pastrimin e parave dhe trafikun e drogës për sindikatat e fuqishme të krimit të organizuar Cosa Nostra. Ai thuhet se ishte i mbrojturi i Totò Riina, kreut i klanit Corleone, i cili u arrestua në vitin 1993 pas 23 vitesh në arrati. Edhe arrestimi i Denaro është bërë në të njëjtën datë. Por edhe pse në arrati, aktiviteti i Denaro vazhdonte ku mendohet se ai jepte urdhra vartësve të tij nga vende sekrete për ekzekutime dhe trafiqe./Dosja.al

matteo messina denaro arrestohet matteo messina denaro

Sondazh

Poll