Bota

MISTERI i "Malaysia Airlines"/ 9 vjet nga zhdukja e aionit MH370 - Tre skenarët e mundshëm dokumentar në Netflix

MH370 kishte karburant të mjaftueshëm për të fluturuar për rreth shtatë orë. Edhe pse ishte humbur nga radarët në Malajzi, kishte kontakte me satelitët Inmarsat. Për të paktën gjashtë orë avioni i sinjalizoi satelitit, por ne nuk mund ta dimë se në cilin drejtim po lëvizte.

8 Mars 2023, 18:48 Nga k.m.

Malaysia Airlines

Është ndoshta aksidenti më misterioz në historinë e aviacionit civil, për të cilin u shpenzua shumë kohë në hetime që nuk çuan askund. 9 vjet pas zhdukjes së fluturimit MH370 të Malaysia Airlines, askush nuk ka një përgjigje përfundimtare, aq më pak bindëse se çfarë ndodhi me avionin që u ngrit nga Kuala Lumpur, Malajzi, por nuk arriti kurrë në Pekin.

Që nga ajo kohë, deti ka nxjerrë pjesë të avionit në brigjet e vendeve të lagura nga Oqeani Indian. Megjithatë, nuk u gjet asnjë gjurmë e 239 pasagjerëve. Edhe pse u "krehën" 120,000 km katrorë të dyshemesë së oqeanit, një zonë pothuajse sa Greqia, por as nuk u gjet asgjë.

Kishte dy rrugë të mundshme; MH370 ose u zhvendos drejt Azisë Qendrore, ose drejt Oqeanit Indian jugor, por rruga e dytë ishte më e mundshme. Kjo, sërish, lë të hapur pyetjen se përse piloti e bëri këtë zgjedhje. A ishte një zgjedhje e tij e qëllimshme që ta hidhte në det për të vrarë veten me pasagjerët? Apo ka ndodhur diçka tjetër?

Tre skenarët, të paraqitur në një dokumentar të Netflix, duken më bindës.

Skenari i parë, i cili inkriminon pilotin, bazohet në ekzistencën e një simulatori fluturimi të gjetur në banesë. Në makinë piloti kishte bërë një muaj më parë një simulim fluturimi përpara se të binte në oqean. Studiues të tjerë nuk janë të bindur nga gjetjet dhe teoria e vetëvrasjes. Piloti duhet të kishte hartuar një plan të tërë që ai të kishte në kontroll.

Skenari i dytë është edhe rrëmbimi. Një hetues identifikoi tre rusë në vendet e pasagjerëve, të cilët mund të merrnin kontrollin e fluturimit dhe ta dërgonin atë në Azinë Qendrore. Të tjerët e refuzojnë skenarin sepse do të jetë teknikisht shumë e vështirë.

Versioni i tretë aludon se rrëzimii i avionit mund të ketë ndodhur nga forcat e armatosura amerikane në detin e Kinës Jugore. Një gazetar francez zbuloi se në avion kishte 2.5 ton pajisje elektronike, të cilat nuk ishin skanuar. Amerikanët, të cilët nuk donin që Kina të kishte akses në teknologjinë e ndjeshme amerikane të vëzhgimit, pasi fillimisht “zhdukën” avionin nga radarët, e detyruan atë të ulet. Kur piloti refuzoi, ata e rrëzuan qëllimisht.

malaysia airlines mh17 zhdukja e malaysia airlines