Aktualitet

DEA në Shqipëri, Klodiana Lala: Ka mungesë besimi te autoritetet. Trafiku i drogës bëhet me mbështetjen e shtetit!

Për këtë arsye, sipas Lalës, DEA kërkon të ketë burime të pavarura, siç janë dhe denoncimet e qytetarëve. 

7 Mars 2023, 23:20 Nga F.M
DEA në Shqipëri, Klodiana Lala: Ka mungesë besimi te autoritetet.
Klodiana Lala

TIRANË- Gazetarja Klodiana Lala është shprehur se fakti që DEA do të vijë zyrtarisht në Shqipëri, tregon se Shtetet e Bashkuara të Amerikës kanë mungesë besimi tek autoritetet. E ftuar në "A Show", Lala tha se trafiku i drogës kryhet me mbështetjen e shtetit dhe trafikantët nuk janë të vetmit në këtë histori. Për këtë arsye, sipas Lalës, DEA kërkon të ketë burime të pavarura, siç janë dhe denoncimet e qytetarëve. 

"Trafiku i drogave të forta nga Amerika Latine drejt Shqipërisë, ku Shqipëria është kthyer në një hambar të madh të kokainës, kaloi pa vëmendje. DEA ka mungesë besimi te autoritetet shqiptare. Ka kuptuar trafiku nuk po bëhet më vetëm nga trafikantët, por kanë mbështetjen e strukturave të shtetit. Ata duan të kuptojnë realisht se çfarë ndodh brenda burimeve të pavarura. Që do të thotë, nëse dikush vret një person, bën një masakër si e para disa ditëvbe, policia vendos një shumë të konsiderueshme parash, për këto që jep informacion. DEA nuk tha jap para, por duke premtuar anonimitet, duke garantuar që lufta ndaj trafikut të drogës do të jetë një luftë e pakompromis. Në një farë mënyre, ata vendosën për herë të parë të kenë një lidhje direkte për publikun sepse më në fund e kanë kuptuar atë që kemi denoncuar prej kohësh, që trafiku i drogës nuk është vetëm histori trafikantësh, por histori përfshirjesh shtetërore dhe shumë aspekte të kësaj historie po fshihen, operacionet po dekonspirohen. Kemi rastin e Arbër Çekajt, prokuroria mori kritika të forta pse e ndërpreu operacionin. Prokurorët thanë se ra mbrëmja dhe droga mund të zhdukej. Në fakt nuk ishte justifikim. Ai operacion u ndërpre për të fshehur bosët e vërtetë të trafikut. Arbër Çekaj nuk ishte i vetmi, kishte të tjerë të përfshirë. Kjo ndodhi edhe në Xibrakë, njerëz të rëndësishëm të përfshirë aty dhe autoritetet e dekonspiruan. Dhe amerikanët e kanë kuptuar më në fund që duhet të kenë zëra të pavarur dhe burime të pavarura për të shkuar te e vërteta,"- u shpreh Lala.   

dea ne shqiperi klodiana lala

Sondazh

Poll