Bota

Zbulohet një sfinks në Egjipt

Artefakti prej guri gëlqeror, që besohet të jetë një paraqitje e stilizuar e një perandori të lashtë romak, pasi u gjet brenda një varri me dy nivele pranë tempullit në Egjiptin jugor.

7 Mars 2023, 11:32 Nga k.m.
Zbulohet një sfinks në Egjipt
Artefakti

KAJRO- Arkeologët në Egjipt kanë zbuluar një statujë sfinksi “me një fytyrë të buzëqeshur dhe dy gropëza” pranë tempullit Hathor, një nga vendet antike. Lajmin e dha ministria e turizmit dhe antikiteteve.

Artefakti prej guri gëlqeror, që besohet të jetë një paraqitje e stilizuar e një perandori të lashtë romak, pasi u gjet brenda një varri me dy nivele pranë tempullit në Egjiptin jugor. Pranë sfinksit "të gdhendur bukur dhe me saktësi", studiuesit kishin gjetur "një stelë romake të shkruar me shkrime demotike dhe hieroglifike".

Vendi ka zbuluar zbulime të mëdha arkeologjike muajt e fundit, kryesisht në nekropolin Saqqara në jug të Kajros, por edhe në Giza, shtëpia e strukturës së vetme të mbijetuar të shtatë mrekullive të botës antike. Të enjten, ministria e antikiteteve njoftoi zbulimin e një kalimi të fshehur 9 metra brenda Piramidës së Madhe të Gizës, për të cilën arkeologu Zahi Hawass tha se mund të çojë në "dhomën aktuale të varrimit" të faraonit Khufu, ose Keopsit.

Disa ekspertë i shohin njoftime të tilla si më shumë peshë politike dhe ekonomike, sesa shkencore, pasi Egjipti po mbështet te turizmi për të ringjallur industrinë e tij jetike të turizmit në mes të një krize të rëndë ekonomike.

Qeveria synon të tërheqë 30 milionë turistë në vit deri në vitin 2028, nga 13 milionë para pandemisë./France24

egjipt

Sondazh

Poll

MË SHUMË