Bota

NATO: Rusia ka humbur më shumë se 200 mijë ushtarë që nga fillimi i luftës

Christopher Cavoli, Komandanti Suprem i Aleatëve në Evropë tha se Rusia ka humbur më shumë se 2000 tanke dhe forcat ruse qëllojnë mesatarisht mbi 23000 predha artilerie në ditë.

4 Mars 2023, 17:20 Nga k.m.
NATO: Rusia ka humbur më shumë se 200 mijë ushtarë që
Foto ilustruese

UKRAINË- Mbi 200,000 ushtarë rusë dhe më shumë se 1,800 oficerë janë vrarë ose plagosur që nga fillimi i pushtimit rus të Ukrainës shkurtin e kaluar. Sipas mediave të huaja, Christopher Cavoli, Komandanti Suprem i Aleatëve në Evropë tha se Rusia ka humbur më shumë se 2000 tanke dhe forcat ruse qëllojnë mesatarisht mbi 23000 predha artilerie në ditë.

Cavoli tha se pas sulmit të Rusisë ndaj Ukrainës, NATO duhet të përshtatet me realitetin e ri.

"Nëse dikush vjen me një tank, më mirë të kesh edhe ti një tank. Megjithatë, një nga mësimet e Luftës së Ftohtë është se saktësia e armëve është ajo që ka rëndësi. Përveç kësaj, kapaciteti prodhues i industrisë së mbrojtjes është i rëndësishëm. Lufta fitohet nga ai që është në gjendje të prodhojë më shpejt”, tha ai.

Në të njëjtën kohë, gjenerali i NATO-s theksoi rëndësinë e udhëheqjes civile: Ne kemi mësuar nga ky konflikt se lidershipi civil është absolutisht thelbësor. Ai mund të mobilizojë një komb dhe të frymëzojë partnerët.

Ndërkohë Moska ka humbur më shumë se 2,000 tanke, ndërsa ushtria ruse gjuan më shumë se 23,000 predha artilerie në ditë. 

christopher cavoli shba

Sondazh

Poll