Bota

I vetmi i mbijetuar nga vagoni i parë i trenit në Greqi/ 20-vjeçari po lufton me jetën në spital, çfarë thonë mjekët

Tashmë ai ka bërë dy operacione, ku mjekët nuk kanë hequr dorë nga përpjekjet për ta shpëtuar.

4 Mars 2023, 14:55 Nga a.l
I vetmi i mbijetuar nga vagoni i parë i trenit në Greqi/
20-vjeçari i plagosur nga aksidenti i trenave në Greqi

GREQI- Gerasimos-Iason Georgiadis 20-vjeçari, i cili ndodhet ndodhen në trenin fatkeq në Larisa në momentin kur ndodhi pëprlasja fatale ka mbeturi i plagosur rëndë. Prej më shumë se tre ditësh ai ndodhet i shtruar në spital dhe mësohet se gjendja e tij shëndetësore është përkeqësuar. Mediat greke raportojnë se i riu po lufton me jetën. 

Studenti ishte i vetmi pasagjer në vagonin e parë që shpëtoi. Pas përplasjes, ai u hodh nga dritarja dhe i shpëtoi shpërthimit dhe zjarrit. Megjithatë, rënia në tokë shkaktoi lëndime të rënda në kokë. Tashmë ai ka bërë dy operacione, ku mjekët nuk kanë hequr dorë nga përpjekjet për ta shpëtuar.

20-vjeçari ka hipur në trenin vrasës në Larisa me destinacion Selanikun, teksa studion për inxhinieri mekanike në AUTH, ndërsa njëkohësisht është balerin dhe studion kitarën. Jashtë Repartit të Mjekimit Intensiv ndodhen familjarët e tij, të cilët qëndrojnë gjithë natën zgjuar në pritje për të dëgjuar nga ai. Në momentin e përplasjes, 20-vjeçari ndodhej me studentë të tjerë në makinën e djegur të mensës, e cila u kthye në një masë amorfe hekuri. Mjekët që në fillim lajmëruan se gjendja e tij është kritike.

tragjedia e trenave në greqi gerasimos-iason georgiadis 

Sondazh

Poll

MË SHUMË