Aktualitet

Mori përpara disa makina, arrestohet shoferi i urbanit në Tiranë

Taulant Gjoka tha se nga hetimet paraprake, rezulton se kemi të bëjmë me shkelje të rregullave të qarkullimit rrugor nga ana e shoferit të autobusit.

27 Shkurt 2023, 22:59 Nga k.m.
Mori përpara disa makina, arrestohet shoferi i urbanit në Tiranë
Pamje nga aksidenti

TIRANË- Shefi i trafikut urban në Tiranë, Taulant Gjoka ka bërë me dije se drejtuesi i urbanit është vendosur në pranga. Gjatë emisionit "Opinion", Taulant Gjoka tha se shoferi i autobusit të Unazës që u përfshi paraditen e kësaj të hëne në aksidentin masiv, është arrestuar. Ai është Agron Xhafa, 63 vjeç. Gjoka tha se nga hetimet paraprake, rezulton se kemi të bëjmë me shkelje të rregullave të qarkullimit rrugor nga ana e shoferit të autobusit.

“E kemi versionin, për ne është shkelje e rregullave të qarkullimit rrugor nga drejtuesi i autobusit, i cili është arrestuar nga policia. Është vendosur masa e arrestit në kushtet e flagrancës për drejtuesin e autobusit. Pra aktualisht që flasim, ai është i dyshuar si shkaktar i aksidentit rrugor. Dhe ka dyshime të arsyeshme për shkelje që janë të dukshme. Pastaj, hipotezat se shkelja e rregullave ka ardhur si pasojë e patologjisë fizike që ai pretendon, apo amnezës mjekësore për të cilën ne nuk kemi dijeni, apo si rezultat i një gabimi tjetër…,”- tha Gjoka.

Mesditën e sotme, 9 automjete dhe urbani u përfshinë në një aksident të pazakontë paraditen e kësaj në Tiranë. Vetë shoferi është shprehur se nuk ka qenë i vetëdijshëm dhe se nuk e mban mend sesi ka ndodhur ngjarja, pasi vuan nga zemra.

taulant gjoka aksidenti masiv te tajvani

Sondazh

Poll

MË SHUMË