Bota

Dialogu Kosovë-Serbi, nis takimi i Kurtit me Borrell dhe Lajçak

Kosovës dhe Serbisë i është kërkuar që ta pranojnë planin evropian, në të kundërtën, sipas ndërkombëtarëve, do të ketë pasoja për të dyja vendet, kurse në rast pranimi, sipas tyre, do të ketë benefite për të dyja vendet.

27 Shkurt 2023, 15:27 Nga a.l
Dialogu Kosovë-Serbi, nis takimi i Kurtit me Borrell dhe Lajçak
Albin Kurti Joseph Borrell dhe Miroslav Lajcak

BRUKSEL- Kryeministri Albin Kurti ka nisur takimin me Përfaqësuesin e Lartë të BE-së, Josep Borrell dhe emisarin Miroslav Lajçak. Siç dihet, marrëveshja është e gatshme dhe se nuk do të diskutohet fare për përmbajtjen e saj. 

Kosovës dhe Serbisë i është kërkuar që ta pranojnë planin evropian, në të kundërtën, sipas ndërkombëtarëve, do të ketë pasoja për të dyja vendet, kurse në rast pranimi, sipas tyre, do të ketë benefite për të dyja vendet. Fillimisht, kryediplomati i BE-së, Joseph Borell, do të ketë takime të ndara me të dy liderët, i shoqëruar nga i dërguari i posaçëm i bllokut evropian për këtë proces, Miroslav Lajçak.

Më vonë do të zhvillohet takimi i përbashkët. Kryeministri i Kosovës, Albin Kurti, një ditë para takimit që do të mbahet në Bruksel, ka pranuar një letër të përbashkët nga presidenti i Francës, Emmanuel Macron, kancelari i Gjermanisë, Olaf Scholz dhe kryeministrja e Italisë, Giorgia Meloni, në lidhje me propozimin evropian. Në këtë letër ata i kanë mirëpritur deklarimet publike të kryeministrit Kurti, sa i përket propozimit evropian. Në letrën e përbashkët është kërkuar edhe zbatimi i obligimeve të marra nga palët në dialog, përfshirë edhe krijimin e Asociacionit të Komunave me Shumicë Serbe. Marrëveshja në rast se pranohet, do të jetë ligjërisht e obligueshme për të dyja palët. Ajo se çfarë dihet është se plani evropian nuk e ka brenda njohjen reciproke dhe se nuk është marrëveshja finale që do ta përmbyllte dialogun.

dialogu kosove-serbi

Sondazh

Poll

MË SHUMË