Bota

Para vazhdimit të dialogut Kosovë-Serbi në Bruksel, Vuçiç konsultohet me Erdoganin

Lajmin e ka bërë me dije vetëm presidenti serb, i cili ka bërë me dije se të dy kanë shkëmbyer mendime për çështjet aktuale, rajonale dhe globale.

26 Shkurt 2023, 21:15 Nga k.m.
Para vazhdimit të dialogut Kosovë-Serbi në Bruksel,
Recep Taip Erdogan dhe Aleksandër Vuçiç

STAMBOLL- Një ditë para takimit në Bruksel mes Kosovës dhe Serbisë ku pritet të diskutohet plani franko-gjerman, presidenti serb Aleksandër Vuçiç është konsultuar me homologun e tij turk, Recep Taip Erdogan. Lajmin e ka bërë me dije vetëm presidenti serb, i cili ka bërë me dije se të dy kanë shkëmbyer mendime për çështjet aktuale, rajonale dhe globale.

“Ne ramë dakord se gjëja më e rëndësishme është ruajtja e paqes në Ballkanin Perëndimor dhe se do të japim një kontribut të fuqishëm në stabilitetin rajonal përmes forcimit të marrëdhënieve serbo-turke,”- thuhet në njoftim.

Nesër, më 27 shkurt do të ketë takim në mes kryeministrit të Kosovës, Albin Kurtit dhe presidentit serb, Aleksandër Vuçiç.

recep taip erdogan aleksander vucic

Sondazh

Poll

MË SHUMË