Aktualitet

Vrasja e shqiptarit në Athinë! Islami nuk ishte vetëm- Kush është gruaja MISTERIOZE që ka vënë në lëvizje policinë?

Në momentin kur ka ndodhur përplasja 40-vjeçari shqiptar që mbeti viktimë ka qenë ulur në lokal, por ishte i shoqëruar edhe nga një grua.

24 Shkurt 2023, 08:27 Nga A.B
Vrasja e shqiptarit në Athinë! Islami nuk ishte vetëm- Kush
Pellumb Islami

GREQI- Përplasja me armë e grupeve kriminale shqiptare, që përfundoi me vdekjen aksidentale të 40-vjeçarit shqiptar Pëllumb Islami vijon të hetohet nga autoritetet greke. Mediat greke kanë publikuar detaje të reja lidhur me ngjarjen. Bëhet me dije se në momentin kur ka ndodhur përplasja 40-vjeçari shqiptar që mbeti viktimë ka qenë ulur në lokal, por ishte i shoqëruar edhe nga një grua.

Ndonëse nuk është parë pas ngjarjes, dhe kjo ka bërë autoritetet që të dyshojnë, pasi fillimisht u raportua se shqiptari ishte në lokal duke parë ndeshjen dhe më pas një grup prej 7 shqiptarësh kanë hyrë brenda duke debatuar me tone të forta, dhe më pas janë zhvendosur jashtë ku sherri ka agravuar me përdorimin e armëve. Për pasojë plumbi qëlloi 40-vjeçarin shqiptar që ndodhej brenda në lokal i cili nuk arriti ti mbijetojë plagëve të marrë dhe humbi jetën.

Efektivët vijojnë kërkimet për gjetjen e gruas, ndërsa kanë nisur procesin e krahasimit të gjurmëve të gishtave dhe të materialeve që janë marrë nga tavolina dyshohet se mund të ishin ulur autorët e sherrit dhe pikat e tjera u mund të kenë pasur kontakt.

Oficerët e departamentit të vrasjeve kanë thënë se dy makina të marra me qira nga një kompani në qendër të Athinës, po përdoreshin nga një shqiptar, bashkëpronar i një klubi në rrugën Liosion i cili njihet edhe një të kaluar kriminale.

Tashmë të shtatë shqiptarët janë shpallur në kërkim, ndërkohë që janë identifikuar vetëm dy prej tyre, Erlis Salaj, kapoja i grupit dhe Julian Qose, një prej anëtarëve. Ata u futën në një lokal ku ndodhej dhe Pëllumb Islami, për tu sqaruar me një tjetër grup shqiptarësh. Gjatë konfliktit u përdorën dhe armë zjarri dhe një prej plumbave kapi gabimisht Islamin, i cili ndërroi jetë. Viktima ishte hidraulik dhe nuk kishte aspak lidhje me jetën e grupit problematik.

vritet pellumb islami

Sondazh

Poll

MË SHUMË