Aktualitet

SKANDALI/ Guvernatori italian në hetim për korrupsion mori gradën "Honoris Causa" nga Fakulteti i Mjekësisë, prokurorët vijnë në Shqipëri

Çudia për prokurorët italianë është në faktin sesi mundet që guvernatori i Sardenjës, me detyrën dhe angazhimet që ka, të ketë mundur të ndjekë studimet si dhe të marrë postin për të dhënë mësim në një katedër të vështirë, kur në Itali nuk e ka një diplomë mjekësie.

23 Shkurt 2023, 10:31 Nga f.g
SKANDALI/ Guvernatori italian në hetim për korrupsion mori gradën
Christian Solinas, guvernator

TIRANE- Një çështje me përmasat e një skandali ka përfshirë Fakultetin e Mjekësisë në Shqipëri. Skandali lidhet me guvernatorin italian të Sardenjës, që po përballet me hetimin për korrupsion dhe pastrim parash, Christian Solinas. Ai po hetohet nga prokurori i Cagliarit. Solinas është nën hetim për dy çështje, e para ajo e blerjes sënjë shtëpie dhe një presion për një takim. Guardia di Finanzia i ka sekuestruar telefonin dhe kompjuterin nga ku pritet zbardhja e komunikimeve. Ai akuzohet se bleu disa toka në Capoterra me para korrupsioni. Kjo pronë u pagua nga një sipërmarrës dhe iu dha guvernatorit. 

Skandali me Shqipërinë dhe historia e çuditshme e diplomës në Shqipëri në këmbim të një emërimi

Përveç korrupsionit dhe pastrimit të parave, prokurori i Cagliarit ka futur në hetime dhe disa nga bashkëpunëtorët e Solinas, si konsulenti i tij, Christian Stevelli, drejtor i Partisë së Veprimit të Sardenjës, sipërmarrësit Roberto Zedda dhe Roberto Raimondi, drejtor i përgjithshëm i zyrës së autoritetit menaxhues të programit operacional Eni Cbc. Media italiane "Il Fatto Quotidiano" ka zbuluar se në këmbim të emërimit të drejtorit të tij, Raimondit në Eni, Solinas mori titullin "Honoris Causa" nga Universiteti i Mjekësisë në Tiranë. Raimondi është drejtor i Shkollës së Doktoraturës të Universitetit Publik të Mjekësisë të Tiranës. Por edhe profesor në departamentin e shëndetit publik dhe profesor i përhershëm në universitetin privat Unilink, me qendër në Romë. Mbetet misterioze sesi Solinas do ta kishte justifikuar marrjen e një diplome që në Itali përfshin mësime dhe praktika në kohën kur ai ishte president i Rajonit, pa bërë vitet e shkollës. 

Aq më tepër që mediat italiane vënë theksin te fakti që Solinas dhe diplomat kishin një marrëdhënie të vështirë. Në fakt, ai kishte një diplomë të shkëlqyer në sociologji nga Universiteti Leibnitz i Milanos. Megjithatë, ajo nuk njihet nga Ministria Italiane e Arsimit. Solinas u diplomua në drejtësi në vitin 2018 nga Universiteti i Sassarit. Por universiteti ka refuzuar gjithmonë të shfaqë tezën duke e konsideruar atë të mbrojtur nga privatësia. Tani vjen kjo histori misterie diplomës së mjekësisë në Tiranë.

Çudia për prokurorët italianë është në faktin sesi mundet që guvernatori i Sardenjës, me detyrën dhe angazhimet që ka, të ketë mundur të ndjekë studimet si dhe të marrë postin për të dhënë mësim në një katedër të vështirë, kur në Itali nuk e ka një diplomë mjekësie.

Prokurori italian i Cagliarit sipas ANSA ka mbërritur në Shqipëri për të bërë verifikimet ndërsa dyshohet se dhënia e titullit të nderit është bërë në këmbim të emërimit të Roberto Raimondit në postin e drejtorit të Programit Eni në Mesdhe./Dosja.al

christian solinas roberto raimondi skandali me guvernatorin italian

Sondazh

Poll

MË SHUMË