Politike

Berisha ngre pyetjen: Çfarë e shtynte Yuri Kim të bëhet ndjekëse e Dorian Duçkës?

Ai kërkoi dhe llogari për pëlqimet që i bënin njëri-tjetrit në Instagram.

22 Shkurt 2023, 13:56 Nga A.B
Berisha ngre pyetjen: Çfarë e shtynte Yuri Kim të bëhet
Sali Berisha

TIRANË- Kryetari i Partisë Demokratike, Sali Berisha akuzoi sërish ditën e sotme ambasadoren Yuri Kim. Gjatë mbledhjes së grupit parlamentar, Berisha pyeti publikisht ambasadoren se cila ishte arsyeja që e ka shtyrë të bëhet ndjekëse e Dorian Duçkës, i cili del si Personi B në dosjen e ish-agjentit të FBI-së, Charles McGonigal. Ai kërkoi dhe llogari për pëlqimet që i bënin njëri-tjetrit në Instagram.

'Në një artikull të një ish-oficeri të CIA-s, thuhet se gjobat shkojnë 30 milionë euro. Nuk dihet sa mori Rama, Olsi, Neza, Duçka, këto duan hetim dhe vetëm hetim. Habia shumë e madhe është se çfarë i shurdhoi dhe i verboi nga 2017-a deri në maj, se është data e fundit që di unë, sytë dhe veshët në Tiranë, të atyre që kishin për detyrë ta zbulonin, të informonin, ta denonconin. Kjo duhet të jetë objekt i një hetimi të thellë.

Çfarë e shtynte zonjën Yuri Kim të bëhet ndjekëse e Dorian Duçkës, këtij mafiozi ndërkombëtar të rrezikshëm.
Unë mendoj se ajo duhet ta shpjegojë këtë, pavarësisht se ka një komision hetimor, por sikundër Neza që u thoshte se jam oficer i FBI, edhe Duçka u tregonte follousat e vet, për të rritur kredencialet.'- tha Berisha.

sali berisha

Sondazh

Poll

MË SHUMË