Politike

Llatja i jep 63 milionë lekë ‘dhuratë’ për 14 Shkurt Ardian Sulollarit, biznesmeni i proceduar penalisht, por kandidoi për deputet

Deri më datë 5 janar 2023 ka qenë afati që kompanitë të dërgonin aplikimin për të amrrë pjesë në tender. Në përfundim të afatit, në garë u regjistruan 5 kompani.

21 Shkurt 2023, 17:25 Nga F.M
Llatja i jep 63 milionë lekë ‘dhuratë’ për 14
Gledian Llatja

ELBASAN- Një tjetër tender problematik firmoset nga kryebashkiaku i Elbasanit, Gledian Llatja. Mësohet se më 14 shkurt, Bashkia e Elbasanit i ka dhënë 63 milionë lekë subjektit “Sulollari Klima SHPK’, administratori i së cilës në maj të 2022 u procedua penalisht pas aksidentit në QSUT ku humbi jetën një 80 vjeçar.

Panorama shkruan se tenderi ishte për të blerë peleta për ngrohje. Konkretisht më 23 dhjetor Bashkia e Elbasanit shpall hapjen e tenderit për të blerë Pelet e cila përdoret kryesish për ngrohje. Deri më datë 5 janar 2023 ka qenë afati që kompanitë të dërgonin aplikimin për të amrrë pjesë në tender. Në përfundim të afatit, në garë u regjistruan 5 kompani.

Nga këto të 5, Bashkia e Elbasanit me në krye Gledian Llatjan përzgjedh subjektin Sulollari SHPK. Administrator i Kompanisë që fitoi tenderin rezulton Ardian Sulollari. Ky i fundit më 16 maj të vitit 2022 është proceduar penalisht pas ngjarjes që ndodhi në Qendrën Spitalore Nënë Tereza ku u shkëput ashensori i Spitalit dhe preu në mes një 80 vjecar që po hynte me barrelë në ashensor.

Ndërkohë një nga kriteret kryesore të procedurave tenderuese është që kompanitë dhe administratorët të mos kenë probleme me ligjin.

Tenderi prej 63 milionë lekësh mund të jetë edhe një flirt politik! Kjo pasi Ardian Sulollari rezulton se në zgjedhjet e 25 prill 2021 ka kandiduar për deputet në listën e subjektit zgjedhor “Nisma Thurje”.

gledian llatja ardia sulollari

Sondazh

Poll