Aktualitet

Me kanabis në makinë gati për shitje, arrestohet 22-vjeçarja në Vlorë, procedohet pasagjeri

Mësohet se në pranga ka rënë e reja me iniciale G.M, e cila u kap në flagrancë në timon me doza kanabisi të ndara gati për shitje.

18 Shkurt 2023, 13:05 Nga I.A
Me kanabis në makinë gati për shitje, arrestohet
Kanabis

VLORË- Një 22-vjeçare është arrestuar ditën e sotme në Vlorë për trafik të lëndëve narkotike. Mësohet se në pranga ka rënë e reja me iniciale G.M, e cila u kap në flagrancë në timon me doza kanabisi të ndara gati për shitje. Po ashtu u procedua penalisht dhe pasagjeri i makinës, 20-vjeçari me iniciale E. Q.

Njoftimi i Policisë:

U kap në flagrancë teksa drejtonte një automjet ku mbante sasi kanabisi të ndarë në doza, me qëllim shitjen, vihet në pranga një shtetase. Në banesën e saj u gjet një peshore elektronike që i shërbente kësaj veprimtarie kriminale. Procedohet penalisht një 20-vjeçar, pasagjer në këtë automjet, pasi u kap me një sasi lënde narkotike. Sekuestrohen dozat e lëndës narkotike, peshorja elektronike dhe një celular. Specialistët e Seksionit për Hetimin e Trafiqeve të Paligjshme dhe Narkotikëve, në vijim të punës për parandalimin, evidentimin dhe goditjen e veprimtarisë kriminale të shpërndarjes së lëndëve narkotike në doza, të mbështetura dhe nga inteligjenca informative, konstatuan dhe goditën një rast tjetër në këtë fushë.

Për këtë rast, u arrestua në flagrancë shtetasja G. M., 22 vjeçe, si dhe u referuan materialet në Prokurori ku nisi procedimi në gjendje të lirë për shtetasin E. Q., 20 vjeç, të dy banues në Vlorë. Shërbimet e Policisë ndaluan për kontroll automjetin me drejtuese 22-vjeçaren dhe ku ishte pasagjer shtetasi E. Q. Gjatë kontrollit në këtë automjet, u gjet një sasi lënde e dyshuar narkotike kanabis, e ndarë në doza, të gatshme për shitje, si dhe u konstatua 20-vjeçari me një sasi të vogël lënde narkotike. Në vijim të veprimeve procedurale, u ushtrua kontroll në banesën e shtetases G. M., ku u gjet një peshore elektronike që i shërbente veprimtarisë kriminale të ndarjes së lëndës narkotike në doza, me qëllim shitjen.

 

arrestohet 22-vjeçarja ne vlore

Sondazh

Poll

MË SHUMË