Sport

‘Klimë’ e vështirë për Cucurellan te Chelsea: përpos tronditjes që i grabitën shtëpinë, nuk i mungojnë edhe kritikat e ashpra…

“The Sun” dhe “The Telegraph” publikojnë se Marc Cucurella është ylli i tretë i Chelseas që ka pësuar një grabitje në shtëpinë e tij.

17 Shkurt 2023, 12:20 Nga DOSJA

‘Klimë’ e vështirë për Cucurellan te Chelsea:

ANGLI - Marc Cucurella, një mbrojtës spanjoll që po merr kritika të rënda për paraqitjen e tij në Chelsea, pësoi një grabitje në shtëpinë e tij menjëherë pas transferimit të tij nga Brighton. Gazeta ‘The Sun’ publikon se “efektet shqetësuese të grabitjes besohet se kanë pasur një ndikim të madh në luftën e Cucurellas për t’u përshtatur në Stamford Bridge”.

Andrew Dillon raporton se grabitja e shtëpisë së Cucurellas është e treta që pësohet nga një lojtar i Chelsea, pas atyre të Reece James (në një video grabitësit shihen duke marrë kasafortën e tij) dhe Raheem Sterling (banda që sulmoi rezidencën e tij gjatë Kupës së Botës, tashmë është ndaluar).

Trajneri Graham Potter e mbron Cucurella: "Ata janë njerëz me jetë private dhe gjëra që ndodhin." Trajneri i ‘bluve’ të Londrës, Graham Potter, ka pranuar publikisht se Marc Cucurella kishte vuajtur personalisht, dhe The Telegraph raporton se një vjedhje në shtëpinë e tij mund të jetë një nga arsyet.

‘Klimë’ e vështirë për Cucurellan te Chelsea:
Pamje nga grabitja e shtepisë së Reece James

"Ata janë njerëz me jetë private dhe gjëra që ndodhin. Marc Cucurella nuk është i vetmi. Në të njëjtën kohë, ju e kuptoni që tifozët paguajnë paratë e tyre dhe gjëja më e rëndësishme është ajo që ndodh në atë fushë për 90 minuta. Megjithatë, lojtarët duhet të merren me gjërat”,- shpjegoi trajneri i Chelseat duke mbrojtur mbrojtësin spanjol.

Graham Potter e kuptoi se "Marc është mirë, ai po bën punën e tij. Ai e di se ndoshta nuk është në formën e tij më të mirë, por nuk është i vetmi lojtar që duhet të kalojë një moment si ky. Ai është një lojtar në të cilin klubi investoi para gjatë verës dhe është detyra jonë ta ndihmojmë, ta mbështesim dhe ta çojmë në pikën ku ai po i tregonte të gjithëve cilësitë e tij".

Mbrojtësi spanjoll ka marrë disa fishkëllima në Stamford Bridge në Champions League dhe vuajti kritika të ashpra nga Frank Leboeuf: "Ne nuk duam ta shohim më Cucurella. Me gjithë respektin e duhur për një njeri që nuk e njoh, Cucurella nuk është mjaftueshëm i mirë për Chelsean. Kjo është kaq e thjeshtë”. Sezonin e kaluar Chelsea pagoi 74 milionë euro për Brighton për Cucurellan.

B.T (Dosja.al)

Sondazh

Poll

MË SHUMË