Bota

Haxhi Thaçi publikon foton e ish-Presidentit me Adem Jasharin

Duke treguar për fotografitë e vendosur në odën e tyre në Burojë, ai foli edhe për fotografinë me Adem Jasharin.

17 Shkurt 2023, 09:44 Nga I.A

Haxhi Thaçi publikon foton e ish-Presidentit me Adem Jasharin

Adem Jashari dhe Hashim Thaçi

Babai i Hashim Thaçit, Haxhi Thaçi për nder të 15 vjetorit të Pavarësisë së Kosovës, ka folur për ish presidentin që nga koha e luftës. Ai ka folur edhe për miqësinë ndërmjet Hashim Thaçit dhe Komandantit Legjendar të UÇK-së, Adem Jashari. Duke treguar për fotografitë e vendosur në odën e tyre në Burojë, ai foli edhe për fotografinë me Adem Jasharin.

“E pata vet ku je fotografu me Ademin, më tha në Shqipëri. Sa herë u kanë Ademi këtu. Hashimi ka pas shumë shokë. Këtu e kanë pas si seli”, tha ai në Kanal 10.

Kosova feston sot 15-vjetorin e Shpalljes së Pavarësisë, ngjarje e shënuar më 17 shkurt të vitit 2008. Në orën 15:39 në Kuvendin e Republikës së Kosovës në Prishtinë, Kosova fitoi Pavarësinë e kërkuar prej vitesh. Në seancën e asaj dite, 109 nga 120 deputetë morën pjesë në sallë. Deklaratën e pavarësisë e lexoi kryeministri i atëhershëm, Hashim Thaçi, i cili sot ndodhet pas hekurave në Hagë. Për vite me radhë qytetarët e Kosovës vuajtën pasojat e spastrimit etnik nga regjimi serb i Sllobodan Millosheviqit, gjë e cila rezultoi më një Luftë Çlirimtare (1997-99). Pas përfundimit të Luftës Çlirimtare të Kosovës u bë edhe vendosja e trupave paqeruajtëse ndërkombëtare në Kosovë.

hashim thaçi haxhi thaçi adem jashari