Aktualitet

Kompania izraelite ka manipuluar zgjedhjet në 33 vende të botës, por a ishte e përfshirë Shqipëria? Gazetarja e The Guardian flet për Dosja.al

Dosja.al i ka dërguar një email gazetarëve që u morën me çështjen.

15 Shkurt 2023, 23:11 Nga k.m.
Kompania izraelite ka manipuluar zgjedhjet në 33 vende të botës,
Foto ilustruese

TIRANË- Një ekip izraelitësh kanë manipuluar më shumë se 33 procese zgjedhjesh në mbarë botën duke përdorur hakerime, sabotime dhe dezinformata të automatizuara në mediat sociale është zbuluar në një hetim të publikuar së fundmi. Njësia drejtohet nga Tal Hanan, një ish-operativ i forcave speciale izraelite, 50 vjeç, i cili tani punon privatisht duke përdorur pseudonimin “Jorge”. Duket se ai ka punuar në heshtje me zgjedhjet në vende të ndryshme për më shumë se 2 dekada. Por duke qenë se kishin ndërhyrë edhe në zgjedhjet në Greqi, lindi dyshimi nëse ka pasur ndonjë 'dorë' edhe në Shqipëri. Ndaj dhe Dosja.al i ka dërguar një email gazetarëve që u morën me çështjen.

Stephanie Kirchgaessner ka kthyer përgjigje për Dosja.al dhe thotë: Përshëndetje, faleminderit për pyetjen tuaj. Për momentin nuk kemi asnjë informacion se Tal Hanan ka punuar edhe në Shqipëri. 

Kompania izraelite ka manipuluar zgjedhjet në 33 vende të botës,

Megjithatë nuk përjashtohet mundësia që në të ardhmen të gjendjen të ardhura edhe për vendin tonë. Për më tepër që në zgjedhjet parlamentare të vitit 2021, dy partitë kryesore politike, si Partia Demokratike dhe ajo Socialiste janë "mburrur" se në fushata zgjedhore kishin punësuar ekipe izraelite. Më konkretisht në zgjedhjet parlamentare të vitit 2021, 8 strategë izraelitë ishin përfshirë në fushatë.

Ish-zëdhënësi i kryeministrit Benjamin Netanjahu, Jonatan Urich u zhduk nga Israeli dhe mediat e vendit të tij shkruanin se mbërriti në Shqipëri. Këtu ai mbërriti për të ndihmuar fushatën e Lulzim Bashës. Jonatan Uirich ishte në anën e humbjes, duke këshilluar Bashën së bashku me Asaf Shariv, një ish-këshilltar i komunikimit i kryeministrit Ariel Sharon; Israel Einhorn, ekspert për reklamat dhe këshilltar i Netanyahu; dhe Adi Timor, një konsulent komunikimi me ekspertizë në fushatat ndërkombëtare.

Ndërkohë që fushatën e Ramës e ndihmoi Tal Silberstein, i cili shërbeu si këshilltar strategjik i Gideon Sa’ar në fushatën e marsit 2021 dhe ka qenë një shtyllë kryesore e fushatave të tjera në Evropë. Më të ishte dhe Assaf Eisen, i cili ka punuar për shumë vite në Shqipëri dhe shumë vende të tjera; Ido Stossel, i cili këshilloi Laburistët në Mars; dhe Shuki Shapira.

tal hanan skandali jorge me zgjedhje stephanie kirchgaessner

Sondazh

Poll

MË SHUMË