"Surpriza" u gjet në një pronë në Samborondón, në Guayas. Në vendngjarje, efektivët e uniformuar arrestuan një shqiptar, Artur Rrapaj, 37 vjeç. Shqiptari u arrestua, ndërsa kishte me vete telefona satelitorë, pajisje GPS dhe 319 mijë dollarë cash. Prokuroria e ka proceduar për pasurim të pajustifikuar parash.
EKUADOR- Artur Rrapaj, shqiptari i arrestuar në një aksioni të nisur për kapjen e një shumëkërkuari me pseudonimin 'Gato', jep të dhëna për marrëdhënien e Nueva Generación me mafian shqiptare. ëilder Emilio Sánchez Farfán, alias 'Gato', u arrestua në Pasto, Kolumbi, por në të njëjtën kohë disa kontrolle u zhvilluan edhe në Ekuador në vendet ku mendohet se kishte bazat e tij. Për shembull, një fermë në zonën rurale të Imbabura u bastis.
"Surpriza" u gjet në një pronë në Samborondón, në Guayas. Në vendngjarje, efektivët e uniformuar arrestuan një shqiptar, Artur Rrapaj, 37 vjeç. Shqiptari u arrestua, ndërsa kishte me vete telefona satelitorë, pajisje GPS dhe 319 mijë dollarë cash. Prokuroria e ka proceduar për pasurim të pajustifikuar parash.
Inteligjenca e policisë nuk e kishte identifikuar Rrapajn si pjesë e strukturës së Nueva Generación Cartel. Kjo organizatë drejtohej nga Sánchez Farfán. Megjithatë, kapja e tij jep të dhëna për një marrëdhënie që tashmë ishte gjurmuar. Oficerët e uniformuar identifikuan se mafia shqiptare që vepron në Guayas punon me kartelin Nueva Generación. Prania në Ekuador e Rrapajt, një shqiptari me precedentë penalë në vendin e tij dhe me pasaportë të skaduar 10 vite më parë, nuk është befasuese.
Përkundrazi, konfirmon disa hipoteza. Mafia shqiptare
Që nga vitet 2000, e ashtuquajtura mafia shqiptare ka dërguar emisarë në Amerikën Latine. Konkretisht në Meksikë, Ekuador, Kolumbi dhe Peru. Qëllimi është blerja e kokainës së lirë. Një burim policor tha se shqiptarët, me bazë në Ekuador, adoptojnë profilin e biznesmenëve të lidhur me eksportet e ushqimit. Por ata janë me të vërtetë përgjegjës për rregullimin e detajeve logjistike për dërgimin e kokainës në Evropë.
Kjo ishte pikërisht një nga pikat e forta të strukturës së menaxhuar nga 'Gato'. Në vitin 2022, Departamenti i Thesarit i Shteteve të Bashkuara e renditi Sanchezin si një nga narko-menët kryesorë në botë. Raporti thotë se dërgesat e kokainës nga 'Gato' ishin dërguar nga Ekuadori përmes anijeve detare dhe kontejnerëve tregtarë.
Kontakti me Sinaloa-n
Shtetet e Bashkuara e lidhën Sanchezin me meksikanin Miguel Ángel Valdez. Ky, nga ana tjetër, ishte ndërmjetësi i tij me kartelin Sinaloa , të udhëhequr nga Ismael 'El Mayo' Zambada. Në shtator 2022, qeveria meksikane detajoi se 'El Mayo' Zambada ishte aleat me mafian shqiptare. Konkretisht me vëllezërit Luftar, Arben, Fatos dhe Ramiz Hysa. Përveç krijimit të rrugëve të drogës për në Evropë, shqiptarët bashkëpunojnë me Sinaloan në pastrimin e parave.
Sipas një investigimi të gazetës El Universal de México, kjo strukturë menaxhon një rrjet kazinosh dhe biznesesh. Përmes këtyre qendrave pastrohen miliona euro nga krimi i organizuar. Lidhjet e alias 'Gato' me kartelin Sinaloa dhe mafian shqiptare nuk do të ishin të vetmet në nivel ndërkombëtar. Karteli i 'Gjeneratës së Re', i cili në Ekuador përbëhet nga grupe si Los Lobos dhe Los Tiguerones, do të kishte më shumë lidhje. Kjo u zbulua nga agjentët që morën pjesë në operacionin për kapjen e tij, si në Kolumbi ashtu edhe në Ekuador.
Për shembull, u mësua se kur u arrestua në Pasto, Sánchez Farfán ishte rrugës për në një takim me anëtarët e Frontit Oliver Sinisterra (FOS). Ky është një disident i Forcave të Armatosura Revolucionare të Kolumbisë (FARC), e cila vepron në Tumaco, pranë kufirit me Ekuadorin. Më parë, inteligjenca ushtarake ekuadoriane kishte raportuar se FOS punon ngushtë me Los Tiguerones. Marrëdhënia bazohet në dërgimin e kokainës që më pas transportohet në portet në bregdetin e Ekuadorit për eksport.
Përveç kësaj, Prokuroria Kolumbiane e lidhi Sanchezin me të ashtuquajturin Klan Devesa. Kjo është një organizatë kriminale spanjolle që merret me pritjen dhe shitjen e drogës në portet evropiane. Me fjalë të tjera, Karteli Nueva Generación, i komanduar nga alias 'Gato', arriti të krijojë një strukturë narko-kriminale me lidhje me: Meksika (kartelet Sinaloa dhe Jalisco Nueva Generación). Kolumbi (Oliver Sinisterra Front). Evropa (Mafia Shqiptare dhe Klani Devesa).
Marrë dhe përkthyer nga primicias.ec
Skema EKUADOR- Bandat shqiptare në Ekuador janë fuqizuar së tepërmi gjatë kohëve të fundit, duke arritur të marrin ...
Adriatik Llalla TIRANË- Ish-kryeprokurori i Përgjithshëm i Shqipërisë përgjatë viteve 2012-2017, Adriatik Llalla, ka fit...
EKUADOR- Në orët e mëngjesit të kësaj të hëne, media dixhitale La Posta prezantoi një raport policor që do të...
Petraq Kolevica TIRANË- Ditën e sotme është ndarë nga jeta arkitekti i njohur shqiptar Petraq Kolevica. Lajmin e hidhur e ka b&eum...
Arma e plagosjes LAÇ- Gjendet dhe sekuestrohet arma e zjarrit e përdorur nga autori në ngjarjen e ndodhur në Laç ku mbeti i pl...
Pamje nga aksidenti SHKODËR- Një aksident i rëndë ka ndodhur pasditen e sotme në aksin Shkodër – Lezhë, në af...
tensione në protestën e opozitës TIRANË- Protesta e dytë e zhvilluar sot nga opozita e pasuar nga ajo e 11 shkurtit është...
Tensione në protestën e opozitës TIRANË- Dy persona janë shoqëruar nga policia menjëherë pas përfund...
Qirinjtë TIRANË- Sot Shqipëria shpalli ditë zie kombëtare. Në sheshet kryesore të vendit qytetarët në t&e...
Pankarta TIRANË- Me pankarta ironizuese në duar, protestuesit e Sali Berishës janë mbledhur jashtë Kuvendit. Një nga pankarta...