Politike

Nuk i lanë të hynin në Kuvend, Boçi: Duke të ikur arsyeja, normalisht që ikin dhe dritat

13 Shkurt 2023, 17:19 Nga DOSJA
Nuk i lanë të hynin në Kuvend, Boçi: Duke të ikur
Luçiano Boçi

TIRANË- Deputetët e opozitës që janë përjashtuar për 10 ditë nga Kuvendi janë përplasur me Gardën, pasi kërkojnë që të futen në sallë. Deputeti Luçiano Boçi tha se sipas vendimit nuk u lejohet që të mos futen 10 ditë në Kuvend, por të mos marrin fjalën. Më pas ai i ka bërë thirrje qytetarëve që t'i bashkohen protestës së opozitës. 

Luçiano Boçi: Masa është disiplinore, jo ndaluese. Masa disiplinore, deputeti nuk merr pagën për 10 ditë, por sipas logjikës së tyre nuk i takojmë as njerëzit për 10 ditë ne.

Albana Vokshi: Nuk ka ndalim fizik. Kanë fikur edhe dritat aty brenda e kupton apo jo.

Luçiano Boçi:  Unë nuk kam të drejtë të kërkoj fjalën.Është në dorën time pastaj nëse e thyej disiplinës. Bien në kundërshtim dhe me rregulloren. Kë të drejtë do të zbatojmë ne. Po është masa disiplinore, nuk është ndaluese. Është parlament policor. Kërkon që të përjashtojë opozitën. Pse bëhet kjo? Faktet kanë dalë dhe dihen, ne do të shkojmë tek njerëzit. Duke të ikur arsyeja, normalisht që ikin dhe dritat. Nuk është se betejën e kemi me ta. E kemi me Edi Ramën dhe me kukullat e tij. Ndalimi është fizik, kam një apel për qytetarët. Bashkojuni protestës të opozitës.

protesta e opozites 13 shkurt 2023

Sondazh

Poll

MË SHUMË