Aktualitet

'I kam dërguar në zonën Hatay'/ Studentja shqiptare bën gjestin human, dërgon paratë e bursës për të prekurit nga tërmeti në Turqi

Ajo studion për mjekësi në Universitetin e Shkencave Shëndetësore në Ankara dhe është shprehur se së bashku me shokët e klasës kanë kontribuar për shoqet e saj të cilat janë prekur nga tërmeti i fuqishëm i së hënës në Turqi, ngjarje e cila shkaktoi dhjetëra mijëra viktima. 

11 Shkurt 2023, 21:16 Nga a.l
'I kam dërguar në zonën Hatay'/ Studentja shqiptare
Ambra Ceka

TURQI- Ambra Ceka, studentja shqiptare në Ankara ka vendosur të solidarizohet dhe të dhurojë paratë e bursës së saj për familjet e prekura nga tërmetet në Turqi. Ajo studion për mjekësi në Universitetin e Shkencave Shëndetësore në Ankara dhe është shprehur se së bashku me shokët e klasës kanë kontribuar për shoqet e saj të cilat janë prekur nga tërmeti i fuqishëm i së hënës në Turqi, ngjarje e cila shkaktoi dhjetëra mijëra viktima. 

“Unë paratë e bursës time i kam dërguar për shoqet e mia që janë prekur nga tërmeti. Ne si shokë të klasës kemi bërë një kontribut të vogël. I kam dërguar në zonën Hatay në Turqi”, u shpreh Ceka për mediat turke.

Një pjesë e ndihmave grumbullohen nën koordinimin e Shoqatës së të Diplomuarve në Turqi të Shqipërisë (TUMED) dhe organizatave të tjera, ndërkohë pjesë e ndihmave që po grumbullohen janë shumat në para, rroba, materiale higjienike, materiale strehimi, ngrohëse dhe të tjera.

ambra ceka

Sondazh

Poll

MË SHUMË