Bota

Brnabiç: Kushti i vetëm për anëtarësim në BE është vendosja e sanksioneve kundër Rusisë

Ajo tha se për progresin e Serbisë flasin edhe dy raportet e fundit vjetore të Komisionit Evropian.

10 Shkurt 2023, 22:04 Nga a.l
Brnabiç: Kushti i vetëm për anëtarësim në BE
Ana Brnabiç

SERBI- Kryeministrja e Serbisë, Ana Brnabiç, ka vlerësuar sot se kusht i të gjitha kushteve për anëtarësimin e Serbisë në Bashkimin Evropian është vendosja e sanksioneve kundër Rusisë.

“Më duket se kushti i të gjitha kushteve është vendosja e sanksioneve kundër Rusisë dhe se pa këtë BE-ja nuk do të hapë grupe dhe kapituj të rinj për ne. Ne jemi këtu edhe për dialog me Prishtinën, por Prishtina jo”, tha Brnabiç në Libano në prezantimin e 100 ditëve të para të qeverisë.

Ajo tha se për progresin e Serbisë flasin edhe dy raportet e fundit vjetore të Komisionit Evropian.

"Ne kemi bërë një hap të madh përpara duke miratuar një sërë ligjesh gjyqësore që i sjellin ato në përputhje me ndryshimet në Kushtetutë, por nëse do të shohim rezultate konkrete në vend të thjesht lëvdata verbale, do ta kuptojmë, nuk besoj, ” tha Brnabiç.

E pyetur për planet në kuadër të nismës Ballkani i Hapur, kryeministrja tha se gjatë vitit pret përparim të madh në zbatimin e marrëveshjes së bashkëpunimit ndërmjet Serbisë, Maqedonisë së Veriut dhe Shqipërisë, shkruan Danas. 

“Është veçanërisht e rëndësishme që ne të fillojmë lëshimin e numrave të ID-së së Ballkanit të Hapur për qytetarët e të tre vendeve, në mënyrë që me këto karta ata të mund të udhëtojnë, të punojnë, të studiojnë, të marrin trajtim dhe të qëndrojnë në secilin prej këtyre tre vendeve sikur të ishin të tyret qytetarë”, tha kryeministri.

Ajo vlerësoi se simbolikisht është veçanërisht e rëndësishme që pikat kufitare të kenë korsi të hapura të dedikuara vetëm për qytetarët, veturat dhe kamionët e këtyre tri vendeve.

ana brnabiç

Sondazh

Poll

MË SHUMË