Bota

E lodhur dhe e plagosur/ Nxirret nga rrënojat pas 107 orësh e moshuara 85- vjeçare (VIDEO)

E moshuara e cila quhet Zeynep, u shpëtua nga qyteti Adiyaman në Turqinë juglindore.

10 Shkurt 2023, 20:32 Nga a.l
E lodhur dhe e plagosur/ Nxirret nga rrënojat pas 107 orësh e moshuara
E moshuara në Turqi

TURQI- Kërkimet për të gjetur të zhdukurit nga tërmeti vijon. Në orët e fundit të kërkimeve në ndërtesat e shkatërruara emergjencat civile kanë bërë të mundur shpëtimin e një 85- vjeçareje pas 107 orësh e bllokuar nën gërmallat e tërmetit tragjik. Ky është momenti kur një grua e moshuar u tërhoq nga rrënojat e një pallati të rënë pas katër ditësh që ishte e bllokuar. E moshuara e cila quhet Zeynep, u shpëtua nga qyteti Adiyaman në Turqinë juglindore.

Pamjet e shpërndara nga Humanitarian Relief tregojnë 85-vjeçaren e ulur me një batanije të mbështjellë rreth gjunjëve ndërsa shpëtimtarët punojnë aty pranë.

Numri i viktimave nga tërmeti katastrofik që goditi Turqinë dhe Sirinë të hënën, tani i ka kaluar 22 mijë persona. Tërmeti me magnitudë 7.9 ballë është në listën e 10 tërmeteve më vdekjeprurës gjatë 20 viteve të fundit. Përpjekjet e skuadrave të huaja që erdhën në rajonin e goditur nga tërmeti janë vlerësuar shumë pasi kanë dhënë shumë lajme të mira deri më tani. Më shumë se 1,100 personel kërkimi dhe shpëtimi dhe mbi 70 qen të trajnuar posaçërisht marrin pjesë në përpjekjet e shpëtimit brenda fushëveprimit të Mekanizmit të Mbrojtjes Civile të Bashkimit Evropian.

 

termet ne turqi

Sondazh

Poll

MË SHUMË