Bota

Operacion blic në Greqi/ Kapen 2 kushërinjtë shqiptarë, gjendet drogë me vlerë 820 mijë euro në magazinën e kafenesë, dyshohet se erdhi nga Shqipëria

Sipas Policisë, shqiptarët trafikonin kokainë dhe kanabis te tregtarët e vegjël të drogës në Atikë, me fitimin e tyre të paktën 820 mijë euro.

10 Shkurt 2023, 20:50 Nga a.l
Operacion blic në Greqi/ Kapen 2 kushërinjtë shqiptarë,
operacioni antidrogë në Greqi

GREQI- Më shumë se 17 kilogramë kokainë dhe 122 kilogramë kanabis të papërpunuar u sekuestruan në një operacion blic nga Nëndrejtoria e Narkotikëve në shtëpi, në një kafene të vjetër dhe një magazinë në Aegaleo. Mediat greke raportojnë se operacioni është zhvilluar dje, ku policia ka vënë në pranga dy shqiptarë. Njëri prej tyre, 45 vjeç dhe ishte drejtuesi i grupit. Sipas policisë 45- vjeçari është prangosur edhe më parë për trafik droge. Ai e mbante lëndën narkotike në një lokal dhe shpeshherë e transferonte në banesën ku iu gjet. I arrestuari tjetër është kushëriri i 45-vjeçarit, i cili rezulton pa precedent të mëparshëm penal.

Policia njoftoi se shqiptarët trafikonin kokainë dhe kanabis te tregtarët e vegjël të drogës në Atikë, me fitimin e të paktën 820 mijë eurove. Nga kontrollet e kryera në një shtëpi dhe magazinë, të përdorur nga njëri prej të arrestuarve për të fshehur drogën (kavajë), u gjetën dhe u konfiskuan: 17 kg e 780 gram kokainë, 122 kg e 511 gram kanabis të papërpunuar. 3 kg e 755 gram pluhur për falsifikimin e kokainës, pistoletë, 2 karikatorë dhe 179 fishekë, 2 peshore elektronike precize, 3 celularë, 2 I.X.E. makina dhe 650 euro.

arrestohet shqiptari ne greqi

Sondazh

Poll

MË SHUMË