Bota

Prekëse! Babai i tij shpëtoi vogëlushen pas tërmetit 28 vite më parë, historia përsëritet, shpëtimtari grek nxjerr nga rrënojat 7-vjeçaren në Turqi

Konstantinos Nikas, një anëtar i ekipit të posaçëm grek të menaxhimit të fatkeqësive (EMAK), shpërtheu në lot pasi nxori Fatmën 7-vjeçare nga rrënojat në lagjen İskenderun më 7 shkurt. 

10 Shkurt 2023, 15:15 Nga a.l
Prekëse! Babai i tij shpëtoi vogëlushen pas tërmetit 28 vite
Tërmeti në Turqi

TURQI- Një punonjës i emergjencave civile greke në Turqi ka shpëtuar një vajzë 7-vjeçare nga rrënojat në Hatay, një nga provincat më të prekura nga tërmetet vdekjeprurëse të 6 shkurtit. Por ajo çka e bën të veçantgë këtë ngjarje është fakti se historia është përsëritur. U zbulua se babai i Nikas shpëtoi edhe një fëmijë në tërmetin 6.1 ballë që goditi Greqinë në 1995.

Konstantinos Nikas, një anëtar i ekipit të posaçëm grek të menaxhimit të fatkeqësive (EMAK), shpërtheu në lot pasi nxori Fatmën 7-vjeçare nga rrënojat në lagjen İskenderun më 7 shkurt. 

Shokët e ekipit deklaruan se babai i tij po e shikonte Konstantinos me krenari nga parajsa, ndërsa një nga miqtë e babait të tij shkroi në Tëitter: “Kur pashë Nikasin duke shpëtuar fëmijën e vogël në Turqi, m’u kujtua se si miku im, gjenerali i ndjerë. Panagiotis Nikas, shpëtoi Andreasin e vogël në tërmetin e Aigios.

Kryeministri grek Kyriakos Mitsotakis, nga ana e tij, tha gjithashtu në një deklaratë se Greqia dhe Turqia janë fqinjë që duhet të ndihmojnë njëri-tjetrin në kohë të vështira. Përpjekjet e skuadrave të huaja që erdhën në rajonin e goditur nga tërmeti janë vlerësuar shumë pasi kanë dhënë shumë lajme të mira deri më tani. Më shumë se 1,100 personel kërkimi dhe shpëtimi dhe mbi 70 qen të trajnuar posaçërisht marrin pjesë në përpjekjet e shpëtimit brenda fushëveprimit të Mekanizmit të Mbrojtjes Civile të Bashkimit Evropian.

termet ne turqi

Sondazh

Poll

MË SHUMË