Politike

Berisha: Ard Veliu është personi që ka takuar më shumë McGonigal, Rama i kërkoi të ‘gjuajë’ prokurorët

Berisha tha se me kërkesë të kryeministrit Edi Rama, ai ka bërë ‘gjah për disa prokurorë me qëllim që t’i nxjerrë nga sistemi’.

10 Shkurt 2023, 13:30 Nga A.B
Berisha: Ard Veliu është personi që ka takuar më shumë
Sali Berisha

TIRANË-Kreu i Partisë Demokratike, Sali Berisha deklaroi ditën e sotme se drejtori i AMP-së, Ard Veliu ka qenë një nga personat që ka takuar më shumë ish-zyrtarin e FBI, McGonigal. Gjatë konferencës me gazetarët, Berisha tha se me kërkesë të kryeministrit Edi Rama, ai ka bërë ‘gjah për disa prokurorë me qëllim që t’i nxjerrë nga sistemi’.

“Terrorizimi është kërcënim madhor për rendin e vendeve të lira. Ky i shpërbën ata. Rama po largon profesionistët. Largoi presonin që kishte rënë në gjurmët e McGonigal. Ramësi jap një paralajmërim të fortë, se nëse shkel ligjin do ketë probleme të mëdha me opozitën. Opozita kërkon që Shërbimi Informativ të qëndrojë ashtu siç e kërkon ligji. Kemi të bëjmë me institucione të inkriminuara. Ardi Veliu një nga njerëzit që ka takuar më shpesh McGonigal. Kjo është shumë e sigurt. McGonigal me kërkesë të Ramës ka bërë gjah për prokurorë të caktuar që t’i nxjerrin nga sistemi. Prokurorë që janë marrë me çështjen e Saimir Tahirit janë nxjerrë nga sistemi. Ky u hiqej si njeriu që dinte gjithçka dhe që duhej marrë fjala e tij parasysh. Deri këtu ka arritur degradimi nga Edi Rama”, tha Berisha.

sali berisha ard veliu edi rama

Sondazh

Poll

MË SHUMË