Bota

Sulmohet kongresmenja amerikane në ashensor, autori i kap qafën dhe e godet, Craig i derdh kafen e nxehtë

Kendrick Hamlin akuzohet se e ka goditur me grusht dhe i ka kapur në qafë. 26-vjeçari, është akuzuar për sulm të thjeshtë. Rasti nuk mendohet të jetë i motivuar politikisht

10 Shkurt 2023, 07:39 Nga A.B
Sulmohet kongresmenja amerikane në ashensor, autori i kap qafën dhe e
Angie Craig

SHBA- Një burrë i dyshuar për sulmin ndaj një kongresmeneje në ashensorin e banesës së saj në Uashington DC të enjten është arrestuar. Angie Craig, një demokrate nga Minesota, u kundërpërgjigj duke i hedhur kafe të nxehtë sulmuesit, thuhet në një raport të policisë.

Kendrick Hamlin akuzohet se e ka goditur me grusht dhe i ka kapur në qafë. 26-vjeçari, është akuzuar për sulm të thjeshtë. Rasti nuk mendohet të jetë i motivuar politikisht, raporton BBC.

E zgjedhur në Kongres në vitin 2018, Craig, 50 vjeçe, është një nënë e katër fëmijëve dhe shërben si bashkë-kryetare e Grupit të Kongresit për Barazinë. Ajo u sulmua rreth orës 07:10 me orën lokale (12:10 GMT) të enjten, thotë policia.

Shefi i saj i shtabit, Nick Coe, tha në një deklaratë se ajo "mbrojti veten nga sulmuesi dhe pësoi mavijosje, por përndryshe është fizikisht në rregull". Ajo thirri shërbimet e urgjencës 911 dhe "sulmuesi u largua nga vendi i ngjarjes".

Ai tha se Craig falënderoi Departamentin e Policisë Metropolitane të DC "për përgjigjen e tyre të shpejtë dhe kërkon privatësi në këtë moment". Sipas një raporti të incidentit publik nga Departamenti i Policisë Metropolitane, Craig u tha hetuesve se kishte pare një person që vepronte në mënyrë të çrregullt dhe ndoshta nën ndikimin e drogës në hollin e ndërtesës së saj të banesës në zonën e ngarkuar të Rrugës H pranë Capitol Hill.

Kur ajo hipi në ashensor, personi e ndoqi brenda dhe "filloi të bënte rastësisht shtytje" pasi ajo i tha mirëmëngjes, thuhet në raport. Personi dyshohet se e ka goditur zonjën Craig në mjekër dhe e kapi qafën. Ajo u mbrojt duke i hedhur kafe të nxehtë sulmuesit.

angie craig

Sondazh

Poll

MË SHUMË