Politike

Paralajmërimi i Berishës: Çdo qytetar ka të drejtë të besojë se Rama ka urdhëruar Bashën të bojkotojë zgjedhjet lokale. Kanë marrë peng gjykatën

Ai shtoi se nëse kryeministri Edi Rama ka vendosur ta marrë peng, do përballet me të gjitha pasojat.

7 Shkurt 2023, 22:56 Nga F.M
Paralajmërimi i Berishës: Çdo qytetar ka të drejtë
Sali Berisha

TIRANË- Kryedemokrati Sali Berisha është shprehur se Partia Demokratike do të marrë pjesë në zgjedhjet lokale me logon e saj. Në një intervistë për A2CNN, Berisha tha se duhet zbatuar vendimi i gjykatës që ekziston aktualisht. Ai shtoi se nëse kryeministri Edi Rama ka vendosur ta marrë peng, do përballet me të gjitha pasojat. Berisha tha se është i aftë që të bëjë revolucion për ta zbatuar këtë gjë. 

Pjesë nga fjala e Berishës: 

Shqiptarët e e dinë se më datën 25 mars, gjykata ka vendosur legjitimitetin e 11 dhjetorit. Unë garantoj se PD do marrë pjesë në zgjedhje, me logo, flamuj. Nëse Edi Rama ka vendosur ta marrë peng, do përballet me të gjitha pasojat. Nuk merrem fare me asgjë, por me faktin se ka një vendim gjykate që në asnjë vend të botës nuk e ndalon regjistrimin në regjistër si në Shqipëri. Nëse të tjerët e ndjekin Ramën, bëhen bashkëautor në krimin Kushtetues, kjo nuk është zgjidhje që duhet të mbajnë njerëzit që kanë minimumin e integritetit profesional. Ne jemi revolucion. Ne do bëjmë gjithçka që e drejta jonë të dalë dhe të respektohet. Ne s’kërkojmë asgjë përveçse të drejtën tonë ligjore. Ka një vendim gjykate që mbahet peng nga Edi Rama. Ne kemi Edi Ramën për kryesor. Ata që bëhen bashkëautor, mendoj se bëjnë zgjedhje të gabuar. Kjo është një gjë shumë e thellë. Këtu kërkohet të përjashtohet opozita nga zgjedhjet. Edi Rama, çdo shqiptar ka të drejtë të dyshojë se ai ka urdhëruar Lulzim Bashën të bojkotojë zgjedhjet lokale, sepse do të marrë 60 bashki. Ne nuk bojkotojmë kurrë zgjedhje.

sali berisha

Sondazh

Poll

MË SHUMË