Bota

ZYRTARE- Për herë të parë, Izraeli do dërgojë trupa për të ndihmuar Sirinë, s'lë pas as Turqinë

Izraeli dhe Siria kanë qenë në gjendje lufte për dekada, me periudha armëpushimi.

6 Shkurt 2023, 14:05 Nga A.B
ZYRTARE- Për herë të parë, Izraeli do dërgojë
Termet

SIRI- Izraeli do të dërgojë ndihmë në Siri, duke shënuar herën e parë që ka dërguar ndonjëherë trupa për të vepruar publikisht dhe zyrtarisht në vend.  Duke folur në një konferencë për shtyp, kryeministri izraelit Benjamin Netanyahu tha se një kërkesë ishte bërë nga regjimi i Asadit. Ai shtoi se ndihma izraelite do të dërgohet edhe në Turqi. 

Zyrtarët sirianë kanë raportuar se qindra janë vrarë në vendin e shkatërruar nga lufta civile, si në zonat nën kontrollin e Damaskut ashtu edhe në veriperëndimin e kontrolluar nga opozita. Izraeli dhe Siria kanë qenë në gjendje lufte për dekada, me periudha armëpushimi.

Për njëfarë kohe, Izraeli ndihmoi rebelët sirianë në kufirin e Lartësive Golan dhe në vitin 2018 punoi me Jordaninë dhe Shtetet e Bashkuara për të evakuuar punëtorët e shpëtimit sirianë "Helmeta e Bardhë" dhe familjet e tyre që iknin nga përparimi i qeverisë. 

Çfarë po ndodh në Turqi?

Kufiri mes Turqisë dhe Sirisë është goditur ditën e sotme nga dy tërmete të fuqishme. I pari tronditi banorët rreth orës 04:17 dhe ishte 7.4 ballë. Ndërsa i dyti, 7.7 ballë ndodhi rreth orës 11: 24. Deri më tani, janë shënuar mbi 1300 viktima dhe mbi 5 mijë të plagosur. Lëkundja e parë tronditi banorët rreth orës 04:17 me epiqendër pranë qytetit të Gaziantep. Tërmeti i parë ndodhi 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin. Ndërtesat u shembën në Kahramanmaraş, Gaziantep, Diyarbakır, Malatya, Şanlıurfa, Adıyaman, Hatay, Adana dhe Osmaniye u shkatërruan. Tashmë ka nisur një operacion kërkim-shpëtimi. Paslëkundjet deri më tani raportohet të kenë qënë mbi 18.

Burimi: Skynews

termet ne turqi

Sondazh

Poll

MË SHUMË