Bota

U filmuan duke kërcyer para një monumenti në Teheran, çifti përfundon në gjyq, dënohen me 10 vite burg secili (VIDEO)

Gjykata gjithashtu vendosi dëbimin nga irani të të rinjve pasi të dilnin nga qelia.

31 Janar 2023, 18:55 Nga a.l
U filmuan duke kërcyer para një monumenti në Teheran,
çifti iranian

IRAN- Astiyazh Haghighi dhe i fejuari i saj, Amir Mohammad Ahmadi, të dy në fillim të të 20-tave, pasi një video u bë virale që i tregonte ata duke kërcyer përpara Kullës Azadi, një prej monumenteve kryesore të Teheranit.  Ata janë përballur me drejtësinë iraniane, duke u dënuar me nga 10 vjet secili pasi veprimi i tyre është gjykuar si një simbol në kundërshtim me regjimin e vendit. Gjykata gjithashtu vendosi dëbimin nga irani të të rinjve pasi të dilnin nga qelia. Haghighi nuk mbante shami, në kundërshtim me rregullat strikte të Iranit. Gratë gjithashtu nuk lejohen të kërcejnë në publik, shkruajnë mediat e huaja. 

Akuzat që rëndojnë ndaj çiftit janë “inkurajimi  korrupsionit dhe prostitucionit publik” si dhe  “mbledhja me qëllim të prishjes së sigurisë kombëtare”.

Familjet e tyre pretendojnë se ata ishin privuar nga avokatët gjatë procedurave gjyqësore dhe përpjekjet për të siguruar lirimin e tyre me kusht ishin refuzuar. Babai tha se Haghighi tani ishte në burgun Qarchak për gratë, jashtë Teheranit, kushtet e të cilit dënohen rregullisht nga aktivistët.

Autoritetet iraniane kanë përforcuar rregullat e regjimit të tyre që vdekja e Mahsa Amini në shtator. Vdekja e bujshme e Aminit, e cili ishte arrestuar për shkelje të rregullave të shamisë, shkaktoi protesta që janë kthyer në një lëvizje kundër regjimit. Të paktën 14,000 njerëz janë arrestuar, sipas Kombeve të Bashkuara, duke filluar nga personazhe të famshëm, gazetarë dhe avokatë e deri te njerëzit e thjeshtë që dolën në rrugë. Videoja e çiftit ishte përshëndetur si simbol i lirive të kërkuara nga lëvizja protestuese, ku Ahmadi në një moment e ngriti në ajër partneren e tij ndërsa flokët e gjatë i rridhnin pas. Një nga ikonat kryesore të kryeqytetit iranian, Kulla futuriste Azadi (Liria) është një vend me ndjeshmëri të madhe. Ajo u hap nën sundimin e shahut të fundit, Mohammad Reza Pahlavi, në fillim të viteve 1970, kur njihej si Kulla Shahyad (Në Kujtim të Shahut). Ajo u riemërua pasi Shahu u rrëzua në vitin 1979 me krijimin e Republikës Islamike. Arkitekti i saj, një anëtar i besimit Bahá'í, i cili nuk njihet në Iranin e sotëm, tani jeton në mërgim.

astiyazh haghighi

Sondazh

Poll

MË SHUMË