Bota

Polonia krahë Ukrainës në luftën kundër Rusisë/ Dërgon 60 tanke shtesë, 30 prej tyre PT-91

PT-91 është një tank luftarak i prodhimit polak që hyri në shërbim në vitet 1990. Ai u zhvillua nga vargu T-72 i epokës sovjetike.

27 Janar 2023, 15:02 Nga a.l
Polonia krahë Ukrainës në luftën kundër Rusisë/
Poloni

POLONI- Polonia do të dërgojë 60 tanke shtesë në Ukrainë, në krye të 14 tankeve Leopard 2 të prodhimit gjerman që ka premtuar tashmë. Lajmin e ka dhënë vetë kryeministri polak në një intervistë me televizionin kanadez të enjten. Varshava, e cila e ka pozicionuar veten si një nga aleatët më të vendosur të Kievit, kishte bërë presion të madh që Gjermania të dërgonte tanke Leopard 2 në Ukrainë dhe të lejonte edhe vendet e tjera ta bënin këtë, një kërkesë për të cilën Berlini ra dakord të mërkurën.

"Polonia dërgoi 250 tanke si vendi i parë gjysmë viti më parë ose edhe më shumë se kaq. Tani për tani, ne jemi gati të dërgojmë 60 tanke tona të modernizuara, 30 prej tyre PT-91. Dhe mbi ato tanke, 14 tanke, tanke Leopard 2, nga zotërimi ynë",  tha Mateusz Moraëiecki për CTV News.

PT-91 është një tank luftarak i prodhimit polak që hyri në shërbim në vitet 1990. Ai u zhvillua nga vargu T-72 i epokës sovjetike. Presidenti ukrainas Volodymyr Zelenskiy falënderoi Poloninë në Twitter për vendimin për furnizimin e tankeve shtesë. "Së bashku do të fitojmë!”, ka shkruar ai.

mateusz morawiecki

Sondazh

Poll

MË SHUMË