Sport

Dopiedë e Hasanit, Erzeni dorëzohet në fund! Tirana shkon +4 pikë nga Partizani...

Kampionët në fuqi të Tiranës, pas javës së 18-të dhe të fundit të fazës së dytë, ngjiten në kuotën e 34 pikëve dhe krijojnë një shkëputje prej 4 pikësh nga Partizani në krye të renditjes

26 Janar 2023, 21:33 Nga DOSJA
Dopiedë e Hasanit, Erzeni dorëzohet në fund! Tirana shkon +4

DURRES - Tirana nuk ndalet në “Niko Dovana”. Bardheblutë e Orges Shehit fituan 0-2 ndaj Erzenit, duke forcuar pozitat në krye të renditjes pas fazës së dytë, ndërkohë që e çon në 4 pikë diferencën me Partizanin që i ndjek.

26 herë kampionët e Shqipërise përfituan nga hapi fals i ‘Demave’ përballë ‘Djemve të Detit’ dhe në sfidën e luajtur në Durrës triumfuan falë golave të Florent Hasanit. Fillimisht, sulmuesi realizoi nga e penalltisë në minutën e 84-t dhe më pas vulosi triumfin në minutën e pestë të kohës shtesë, 90’+5.

Në Durrës, u zhvillua një takim tepër i luftuar, me Erzenin që vuri jo pak në vështirësi Tiranën, teksa në pjesën e parë goditi dhe traversën. Megjithatë minutat e fundit të ndeshjes bënë edhe diferencën midis skuadrave, ku kampionët në fuqi të Tiranës, pas shtyllës së goditur nga Gjumsi, gjejnë golat e munguar dhe marrin tri pikë mjaft të rëndësishme.

Për bardheblutë e kryeqytetit nga minuta e pare startoi si titullar transferimi i janarit, Regi Lushkja, ndërsa në pjesën e dytë debutoi dhe Kristal Abazaj.

Tirana, pas javës së 18-të dhe të fundit të fazës së dytë, ngjitet në kuotën e 34 pikëve dhe krijon një shkëputje prej 4 pikësh nga Partizani në krye të renditjes, ndërsa nga ana tjetër Erzeni mbetet në vendin e 5-të në kuotën e 26 pikëve.

B.T (Dosja.al)

Sondazh

Poll

MË SHUMË