Bota

"Goditet" Ndragheta! Policia italiane arreston 56 anëtarë të mafias famëkeqe, sekuestrohen 250 mln euro pasuri

Në total u sekuestruan 250 milionë euro pasuri që dyshohet se vinte nga aktiviteti kriminal. Akuzat që rëndojnë ndaj të arrestuarve, janë zhvatje, rrëmbim, trafik armësh, korrupsion dhe mashtrim.

26 Janar 2023, 20:45 Nga k.m.
"Goditet" Ndragheta! Policia italiane arreston 56 anëtarë
Foto ilustruese

ROMË- Pas goditjes së mafias ‘Cosa Nostra’ lideri i së cilës u arrestua ditë më parë, policia italiane ditën e sotme ka arrestuar 56 persona në të gjithë vendin të akuzuar për lidhje me mafian italiane ‘Ndragheta’. Në total u sekuestruan 250 milionë euro pasuri që dyshohet se vinte nga aktiviteti kriminal. Akuzat që rëndojnë ndaj të arrestuarve, janë zhvatje, rrëmbim, trafik armësh, korrupsion dhe mashtrim.

Një ish-këshilltar rajonal dhe biznesmen, 70-vjeçari Francescantonio Stillitani, u arrestua me akuza për korrupsion së bashku me vëllain e tij Emanuele, 68 vjeç. 56 personat u arrestuan në të gjithë Italinë, në Catanzaro, Vibo Valentia, Reggio Calabria, Romë, Palermo, Avellino, Benevento, Parma, Milano, Cuneo, L'Aquila dhe Perugia. 

Operacioni i policisë vjen vetëm një javë pasi një nga të arratisurit më të kërkuar në Itali, bosi famëkeq i mafias siciliane Matteo Messina Denaro, u arrestua në Palermo. Klani 'Ndrangheta i ka rrënjët në rajonin jugor të Kalabrisë, por tani është përhapur në të gjithë gadishullin dhe në pjesën tjetër të kontinentit. Kjo organizatë është e përfshirë në kontrabandën e drogës në Evropë, duke mbajtur lidhje të forta me kartelet e Amerikës së Jugut./Ansa

rome mafia ndragheta

Sondazh

Poll

Bota 26 Janar 2023, 19:33 k.m.

Le Monde: McGonigal e rrëzoi lakmia!

Charles McGonigal FRANCË- Lakmia e Charles McGonigal ishte rënia e tij. Ky ish-hetues i rangut të lartë të FBI-së u arrestua ...