Bota

SHBA sanksionon grupin e mercenarëve rusë 'Wagner': Organizatë e rrezikshme kriminale

26 Janar 2023, 17:06 Nga a.l

SHBA sanksionon grupin e mercenarëve rusë 'Wagner':

Grupi Wagner

UKRAINË- Departamenti Amerikan i Thesarit njoftoi një numër sanksionesh grupit ushtarak Wagner, duke përfshirë një firmë aviacioni të përdorur nga grupi ushtarak, një organizatë propagandistike e Wagner-it dhe kompani të frontit të ushtrisë.

Përveç masave që synojnë Grupin Wagner – të cilat u parashikuan nga Shtëpia e Bardhë javën e kaluar – të dyja agjencitë njoftuan sanksione kundër një grupi të gjerë individësh dhe kompanish të lidhura me luftën e Rusisë në Ukrainë. Ato janë masat më të fundit ndëshkuese të SHBA-së kundër Kremlinit dhe përfaqësuesve të tij, teksa lufta e presidentit rus Vladimir Putin po i afrohet vitit të dytë pa asnjë shenjë zbutjeje, raporton CNN.

“Ky veprim mbështet qëllimin tonë për të degraduar kapacitetin e Moskës për të zhvilluar luftë kundër Ukrainës, për të promovuar përgjegjësinë për luftën e agresionit të Rusisë dhe abuzimet e lidhura me to, dhe për të bërë presion të mëtejshëm mbi sektorin e mbrojtjes së Rusisë”, tha Blinken në një deklaratë.

Departamenti i Thesarit njoftoi sanksione ndaj një numri individësh dhe kompanish të lidhura me kompleksin industrial të mbrojtjes të Moskës, si dhe aleatët e Putinit dhe anëtarët e familjeve të tyre, dhe dy persona të përfshirë në përpjekjet e Rusisë për të aneksuar pjesë të Ukrainës./ Dosja.al

lufta ne ukraine