Bota

Shembet ndërtesa në Indi/ Bllokohen nën rrënoja 8 persona, shpëtojnë mrekullisht 3 të tjerë

Hazratganj është i mbushur me ndërtesa të vjetra. Ai që u shemb sot njihej si Alaya Apartments.

24 Janar 2023, 18:03 Nga a.l
Shembet ndërtesa në Indi/ Bllokohen nën rrënoja 8 persona,
Shembet ndërtesa në Indi

INDI- Tetë persona dyshohet se janë bllokuar nën rrënoja pasi një ndërtesë banimi katërkatëshe u shemb sot në kryeqytetin e Uttar Pradesh, Lucknow. Tre persona janë shpëtuar. Zëvendëskryeministri i UP-së Brijesh Pathak është në vend, duke mbikëqyrur punën e kërkim-shpëtimit që përfshin ekipe të forcave shtetërore dhe kombëtare të reagimit ndaj fatkeqësivem shkruajnë mediat e huaja. 

"Ndërtesa u shemb papritmas. NDRF, personeli i zjarrfikësve janë të pranishëm në vend, operacioni i shpëtimit është duke u zhvilluar," tha zoti Pathak.

Një tërmet ishte raportuar në veri të Indisë më herët gjatë ditës, megjithëse zyrtarët ende nuk kanë kontrolluar nëse lëkundjet e kishin dobësuar ndërtesën e vjetër. Hazratganj është i mbushur me ndërtesa të vjetra. Ai që u shemb sot njihej si Alaya Apartments.

Zyra e kryeministrit Yogi Adityanath në një deklaratë tha se u ka kërkuar zyrtarëve të shpëtimit që të punojnë shpejt për të gjetur të mbijetuarit. Zyra e Kryeministrit tha se spitaleve u është kërkuar të qëndrojnë vigjilent dhe u premtuan ndihmë të lënduarve./ Dosja.al

shembet ndertesa ne indi

Sondazh

Poll

MË SHUMË