Sport

Një tatuazh e ‘tradhëtoi’ brazilianin dhe e çoi Dani Alves në burg, dalin detaje të reja…

Sipas “El Mundo”, akuzuesja e ka përshkruar me detaje tatuazhin; lojtari ka ndryshuar dëshminë e tij para gjyqtarit kur është përballur me këtë detaj.

24 Janar 2023, 15:50 Nga DOSJA
Një tatuazh e ‘tradhëtoi’ brazilianin dhe e çoi

SPANJE - Një tatuazh e tradhëtoi Dani Alves që të përfundonte në një burg të Katalonjës, sipas gazetës spanjole "El Mundo". Lojtari është izoluar që nga e premtja e kaluar, i akuzuar për sulm seksual nga një femër 23-vjeçare. Braziliani i mohon akuzat, por në dëshmi ka paraqitur versione të ndryshme: fillimisht ka thënë se nuk ka pasur kontakt, pastaj ka pasur seks konsensual.

Sipas “El Mundo”, gruaja që akuzon Daniel Alves për sulm seksual, ka përshkruar në dëshmi saj tatuazhin e gjysmëhënës, që shkon nga barku i lojtarit deri në rajonin gjenital. Ajo ka pohuar, sipas gazetës, se ka mundur ta shohë tatuazhin në momentin kur braziliani e ka mbyllur në banjën e një klubi nate dhe e ka detyruar të kryejë seks oral.

Kur Dani Alves ishte para gjyqtarit, dhe kishte adoptuar diskursin e një marrëdhënieje konsensuale, lojtari tha se ishte ulur në tualet në banjë, kur femra u hodh mbi të. Në vijim gjykatësi e pyeti për tatuazhin dhe sesi gruaja mund ta shihte dhe ta përshkruante atë me kaq saktësi. Dani, gjithmonë sipas “El Mundo”, ka kundërshtuar edhe një herë veten dhe ka deklaruar se femra mund ta kishte parë tatuazhin në momentin që ai u ngrit. Versioni nuk funksionoi.

Gazeta pohon, se ishin këto ndryshime në versionin e dëshmive të Dani Alves që përfunduan duke minuar besueshmërinë e tij te gjyqtari, veçanërisht pasi versioni i femrës nuk ndryshoi kurrë. Ajo kishte rrëfyer të njëjtat detaje, në të njëjtën renditje kronologjike, në deklaratën që dha në polici dhe para gjyqtarit të çështjes, pothuajse 20 ditë më vonë.

Siç tregoi një profesor i USP-së i specializuar në të drejtën penale ndërkombëtare, drejtësia në Spanjë tenton t'i japë shumë peshë versionit të femrave. Këtë të hënë, pasi kaloi tre netë në kompleksin e burgut Brians 1, Dani Alves u transferua në Brians 2, ku ka më pak të burgosur, më shumë hapësirë ​​dhe më shumë siguri. Deri në mbrëmjen e kësaj të hëne, drejtësia e Spanjës nuk kishte regjistruar asnjë ankesë të paraqitur nga mbrojtja e lojtarit.

B.T (Dosja.al)

Sondazh

Poll

MË SHUMË