Art&Argëtim

"Mos na bëj drejtoreshën në shtëpi"/ Brisida Shehaj flet për jetën personale, ndarja nga partneri më shumë se 1 vit më parë

Ajo thotë se është bërë drejtoreshë në moshën 25-vjeçare dhe ka qenë gjithmonë e pavarur financiarisht, por postet i kanë hapur ‘probleme’ në jetën sentimentale.

22 Janar 2023, 23:28 Nga F.M
"Mos na bëj drejtoreshën në shtëpi"/ Brisida
Brisida Shehaj

TIRANË- Brisida Shehaj ka rrëfyer detaje nga jeta e saj personale. Në një intervistë për “Neës24”, Shehaj foli dhe për ndarjen e saj nga partneri një vit e gjysmë më parë. Ajo thotë se është bërë drejtoreshë në moshën 25-vjeçare dhe ka qenë gjithmonë e pavarur financiarisht, por postet i kanë hapur ‘probleme’ në jetën sentimentale. Madje, Shehaj u shpreh se shumë herë i është kërkuar të mos bëjë drejtoreshën në shtëpi.

Pjesë nga intervista:

Të afrohen më shumë meshkujt kur je drejtoreshë e Tatimeve?

Nuk e di sepse unë itinerarin e kisha shtëpi-punë, punë–shtëpi. Gjatë kohës para se të shkoja në shtëpi e kisha kryeministri- ministri, debate, kontrolloja degët, bëja raporte. Ndonjë mesazh nuk më ka ardhur.

A afrohen më shumë meshkujt kur ke pushtet, këtë doja të dija…

Në raportin tim të fundit që kam pasur para një viti e ca ishte…dhe kjo më ka ndjekur gjatë gjithë kohës. 25 vjeç jam bërë drejtor për herë të parë. Kam qenë e pavarur financiarisht, kështu më kanë rritur prindërit. Gjatë gjithë kohës e kam pasur pavarësinë financiare që të mos isha e varur nga një bashkëshort apo nga një i dashur. Liria financiare të jep liri për të marrë vendime. Unë kam vendosur gjithmonë mbi lekun. Në çdo raport që kam pasur, kishte një lloj vështirësie në marrëdhënien me mua se më thoshin “mos na bëj drejtorin në shtëpi”.

Kjo ka ndikuar edhe në jetën personale?

Për mua si femër detyra kryesore është të shërbej në familje. Nëna, femra, vajza, motra është gjithmonë më e dhimbsur, duhet të shërbejë në familje. Marr lumturi kur gatuaj. Të njëjtën mënyrë kam pasur edhe në raport që kam shërbyer pa fund.

A e ke marrë mbrapsht?

Jo, ky është problemi. Duket ndonjëherë nga ky kompleksi që të ulesha sa më shumë që të mos ndihej problemi që isha një femër e arrirë. Kam gjëra shumë të vogla që më japin kënaqësi. Vendosa që të jem kështu si jam. Jeta personale është si të vijë. Shpirtërisht jam shumë e plotësuar. Po kaloj një fazë shumë të qetë.

brisida shehaj

Sondazh

Poll

MË SHUMË