Bota

Aksidenti tragjik i helikopterit në Kiev/ Zelenskyy shfaqet i përflotur në funeralin e viktimave, mes tyre edhe ministri i Brendshëm

Ai shfaqej i përlotur, teksa mori pjesë në funeralin me gruan e tij, Zonjën e Parë Olena Zelenska.

21 Janar 2023, 15:56 Nga a.l
Aksidenti tragjik i helikopterit në Kiev/ Zelenskyy shfaqet i
Volodymyr Zelenksyy dhe Olena Zelenska

UKRAINË-  Presidenti ukrainas Volodymyr Zelenskyy mbajti një takim emocional me familjet e atyre që humbën jetën në një aksident me helikopter në fillim të kësaj jave. Zelenskyy foli me anëtarët e familjes së shtatë prej atyre që u vranë në aksidentin e së mërkurës në zonën Brovary të Kievit. Ai shfaqej i përlotur, teksa mori pjesë në funeralin me gruan e tij, Zonjën e Parë Olena Zelenska. Ata vendosën lule në secilin prej shtatë arkivoleve të mbështjellë me flamujt blu dhe të verdhë të Ukrainës. Udhëheqësi ukrainas më pas foli shkurt me familjet, pasi një orkestër e vogël luajti një adagio të pikëlluar.

Aksidenti tragjik i helikopterit në Kiev/ Zelenskyy shfaqet i
FUNERALI

Helikopteri që transportonte ministrin e Brendshëm Denys Monastyrskyi dhe zyrtarë të tjerë të lartë u përplas me një ndërtesë kopshti në periferi të banimit, duke shkaktuar dhjetëra të vrarë, shkruajnë mediat e huaja. 

Monastyrskyi, i cili mbikëqyrte policinë e vendit dhe shërbimet e urgjencës, ishte zyrtari më i lartë i vrarë që kur Rusia pushtoi Ukrainën. Vdekja e tij, së bashku me pjesën tjetër të udhëheqjes së ministrisë së tij dhe të gjithë ekuipazhit të helikopterit, ishte fatkeqësia e dytë e madhe në katër ditë që goditi Ukrainën, pasi një raketë ruse goditi një ndërtesë apartamentesh në qytetin juglindor të Dnipro, duke vrarë dhjetëra civilë. Pas gjuetisë së teknologjisë së lartë për bombarduesit rusë që synojnë civilët ukrainas./ Dosja.al

lufta ne ukraine

Sondazh

Poll

MË SHUMË