Politike

Tentoi të ulte flamurin grek, mediat e "kryqëzuan", sqarohet presidenti Begaj: Ishte rastësi, s'ka vend për teori konspirative!

Rastësi e quan Begaj faktin se vizita e tij u zhvillua dy ditë para vizitës së kryeministrit grek në zonat minoritare.

20 Janar 2023, 18:26 Nga A.B
Tentoi të ulte flamurin grek, mediat e "kryqëzuan", sqarohet
Bajram Begaj

TIRANË- Presidenti Bajram Begaj u pyet nga gazetari i 'Zërit të Amerikës' për incidentin në Bashkinë e Finiqit. Begaj tha se është tentuar që të zbatojë protokollin në të gjitha standartet e saj. Rastësi e quan Begaj faktin se vizita e tij u zhvillua dy ditë para vizitës së kryeministrit grek në zonat minoritare.

INTERVISTA:

Zëri i Amerikës: Zoti President, ju zhvilluat një vizitë në jug pak kohë më parë. Mediat këtu njoftuan, se rrugës për në Bashkinë e Finiqit ju nuk ndaluat atje, ndonëse Kryetari i Bashkisë ju priste. Mediat greke e komentuan këtë, si një arsye që lindi nga fakti, se aty po valëvitej flamuri grek. Çfarë ndodhi realisht?

Presidenti Bajram Begaj: Para një muaji, ndoshta pak më shumë, kam bërë një vizitë në bashkitë e jugut, dhe në këtë tur vizitash ishte planifikuar dhe vizita në bashkinë e Finiqit. Së bashku më kryetarin e bashkisë së Finiqit, Prefektin e qarkut dhe deputetë të zones, kam zhvilluar një vizitë në parkun arkiologjik të Finiqit, dhe më pas u takuam dhe bashkëbiseduam me një grup qytetarësh të bashkisë Finiq, për çështje të ndryshme që ata i shqetësonin më shumë. Me këtë rast unë i bëj thirrje çdo shqiptari, që të bëjë një vizitë në parkun arkeologjik të Finiqit. Është pjesë e trashëgimisë tonë kulturore. Mendoj, që është park i harruar, por duhet të bëhet më shumë, që tur-operatorët, turistët, njerëzit e tjerë të shkojnë ta vizitojnë si çdo atraksion tjetër turistik në vendin tonë. Sa i përket të tjerave, unë si President i Republikës, jam i detyruar të zbatoj Protokollin shtetëror, ceremonialin e Republikës së Shqipërisë dhe Ligjin për simbolet në Republikën e Shqipërisë.

Zëri i Amerikës: Një gjë tjetër që ra në sy gjatë vizitës tuaj, koeçidencë apo jo, ishte se ajo u zhvillua dy ditë para vizitës së kryeministrit grek në zonat minoritare…

Presidenti Bajram Begaj: Ju siguroj, ishte thjesht rastësi, dhe nuk ka vend për asnjë teori konspirative.

Në dhjetor, veprimet e Begajt janë konsideruar si provokime pasi sipas tyre presidenti shqiptar ka kërkuar uljen e flamurit grek të vendosur në një prej ndërtesave ku ndodhej edhe flamuri shqiptar dhe ai i Bashkimit Europian. 

bajram begaj bajram begaj ne finiq

Sondazh

Poll

MË SHUMË