Politike

“Paketa e madhe”/ PD: Studentët mungojnë në listën e kategorive përfituese, skemë të manipulimit elektoral

PD deklaron se lënia e studentëve jashtë kategorive që përfitojnë nga “paketa e madhe”, është skemë e manipulimit elektoral.

16 Janar 2023, 15:34 Nga A.B
“Paketa e madhe”/ PD: Studentët mungojnë në
Besart Xhaferri

TIRANË- Partia Demokratike ka reaguar në lidhje me kategoritë që përfitojnë nga 'Paketa e Madhe' e Qeverisë. Në një dalje për mediat, kryetari i forumit rinor të Partisë Demokratike, Besart Xhaferri deklaron se lënia jashtë e studentëve nga kjo paketë është alarmante pasi ka studentë që vijnë nga familje të varfra dhe u duhet të punojnë për të siguruar jetesën. 

'Mungesa e studentëve është vetëshpjeguese: së pari, ata janë më pak të manipulueshmit ndër shtresat e shoqërisë, duke qenë se mosha ua lejon pavarasinë dhe moskorruptueshmërinë. Kjo i ka bërë ata një kategori për të cilën nuk duhen shpenzuar para qeveritare, dhe kjo e zbulon “paketën e madhe”, si asgjë më shumë se një skemë të manipulimit elektoral.'- deklaron ndër të tjera Xhaferri.

DEKLARATA E PLOTË:

Edi Rama ka prezantuar me pompozitet atë që e quan “Paketa e Madhe” sikur të ishte Big deal (Pakti i Madh) i Presidentit amerikan Lyndon Johnson. Me siguri, dhe me të drejtë, paketa është e mirëpritur nga disa kategori të shoqërisë, edhe pse ajo nuk shkon dot as deri në nivelin e kompensimit të inflacionit apo indeksimit të çmimeve. Shqetësimi i Partisë Demokratike lidhet me një faktor madhor të politikës dhe shoqërisë, një kauzë për të ardhmen e pluralizmit dhe të vendit. A është paketa e madhe e Ramës një instrument elektoral në radhën e përpjekjeve të tij për të vjedhur zgjedhjet? Duke ditur se shumat e akorduara do të ndahen në nivel lokal, nëpër zyrat vendore të administratës publike, treguesit janë se shumat a alookuara do të konsiderohen si favore të qeverisë dhe bashkive, të cilat komandohen nga Partia Socialiste.
 
Si për një rastësi që duket e çuditshme, edhe shumat e caktuara janë 10 apo 20 mijë lekë, të njohura tashmë botërisht si tarifat që patronazhistët e Ramës u ofrojnë qytetarëve në këmbim të votës. Si kryetar i Forumit Rinor të Partisë Demokratike, përfaqësues i zërit të të rinjve, më alarmon mungesa e studentëve në listën e kategorive përfituese të “Paketës së madhe”. Të gjithë e dimë se ka studentë që marrin bursa, sepse vijë nga familje të varfra apo studentë që punojnë pasditeve apo fundjavave për të mundësuar shkollimin. Mungesa e studentëve është vetëshpjeguese: së pari, ata janë më pak të manipulueshmit ndër shtresat e shoqërisë, duke qenë se mosha ua lejon pavarasinë dhe moskorruptueshmërinë. Kjo i ka bërë ata një kategori për të cilën nuk duhen shpenzuar para qeveritare, dhe kjo e zbulon “paketën e madhe”, si asgjë më shumë se një skemë të manipulimit elektoral.
 
Në njëfarë mënyre, ajo është amnistia fiskale e zgjedhjeve, gjetja e një mënyrë për të ligjëruar tarifat e blerjes së votës. U bëjmë thirrje qytetarëve që t’ua marrin paratë, sepse nuk janë të Edi Ramës por tuajat: janë taksat që ai ua merr dhe ua kthen sikur t’u bënte favor. Duke qenë të tyret këto para ne u bëjmë thirrje qytetarëve shqiptarë të mos ndihen borxhlinj dhe as të favorizuar nga Edi Rama. Paratë merrjani, por votën hidheni të lirë. Vota juaj e lirë është instrumenti më i fortë për t’i dalë zot Shqipërisë, për ta ruajtur pluralizmin!

pakoja e madhe pd

Sondazh

Poll

MË SHUMË